हॅलो कृषी ऑनलाईन: टोमॅटोच्या दरात (Tomato Market Rate) सातत्याने वाढ होताना दिसत आहे. यामुळे टोमॅटो उत्पादक शेतकर्‍यांना (Tomato Producing Farmers) याचा फायदा मिळत आहे. देशातील अनेक भागात टोमॅटोचे दर (Tomato Market Rate) 50 रुपये किलोच्या पुढे गेले आहेत.
अशी काही राज्ये आहेत की, जिथे टोमॅटोचे दर हे 70 रुपये किलोपेक्षा जास्त आहेत. जाणून घेऊयात टोमॅटोच्या दराबद्दल सविस्तर माहिती.
टोमॅटोचे दर शंभरी गाठण्याची शक्यता
देशातील 17 राज्यांमध्ये टोमॅटोचे भाव (Tomato Market Rate) 50 रूपयांच्या वर गेला आहे. तर अशी 9 राज्ये आहेत की जिथे टोमॅटोचा दर हा 60 रुपये किलोपेक्षा जास्त आहे. तर 4 राज्यांमध्ये टोमॅटोचा भाव 70 रूपयांपेक्षा जास्त आहे. एकच राज्य असे आहे की जिथे टोमॅटोचे भाव 100 रूपयांच्या पुढे गेला आहे. तज्ज्ञांनी दिलेल्या माहितीनुसार, उष्णतेची लाट (Heat Wave Affect Tomato Production) आणि टोमॅटोचे घटलेले उत्पादन यामुळे टोमॅटोच्या दरात वाढ होत आहे. येत्या काही दिवसांत टोमॅटोच्या किमती (Tomato Market Rate) 100 रूपयांच्या पुढे जाण्याची शक्यता आहे.
कोणत्या राज्यात टोमॅटोला किती दर? (Tomato Rate In India)
देशातील केंद्र शासित प्रदेश अंदमान निकोबारमध्ये (Andaman Nicobar) टोमॅटोचे भाव 100 रूपयांच्या पुढे गेले आहेत. ग्राहक व्यवहार मंत्रालयाच्या वेबसाइटवरून मिळालेल्या माहितीनुसार, 20 जून रोजी येथे टोमॅटोचा भाव (Tomato Market Rate) 100.33 रुपये प्रति किलो होता.
यानंतर केरळ मध्ये टोमॅटोचा भाव हा 82 रुपये किलो होता.
मिझोराम आणि तामिळनाडूमध्ये टोमॅटोचा भाव 70 रुपये किलोच्या पुढे गेला आहे.
तेलंगणा, गोवा, नागालँड, अरूणाचल प्रदेश आणि महाराष्ट्रात टोमॅटो 60 रूपयांपेक्षा जास्त किलोने विकला जात आहे.
आंध्र प्रदेश, कर्नाटक, सिक्किम, ओरिसा, दादर आणि नगर हवेली, मेघालय, त्रिपुरा आणि पश्चिम बंगालमध्ये टोमॅटोचा भाव 50 रूपयांच्या वर पोहोचला आहे.
जून महिन्यात टोमॅटोच्या दरात 12.46 रूपयांनी वाढ (Tomato Market Rate)
दरम्यान, ग्राहक व्यवहार मंत्रालयाच्या आकडेवारीनुसार टोमॅटोच्या सरासरी दरात चांगली वाढ झाली आहे. जून महिन्यात टोमॅटोच्या दरात प्रतिकिलो सरासरी 12.46 रूपयांनी वाढ झाली आहे. 31 मे रोजी टोमॅटोचा सरासरी भाव 34.15 रुपये प्रतिकिलो होता. 20 जून रोजी टोमॅटोचा देशातील सरासरी भाव 46.61 रुपये प्रतिकिलो झाला आहे.
तज्ज्ञांच्या मते, सध्या दक्षिण भारतात टोमॅटोची भाववाढ (Tomato Market Rate) अधिक दिसून येत आहे. उत्तर भारताचा विचार केला तर दिल्लीत (Delhi Tomato Rate) टोमॅटोची किंमत 33 रुपये आहे. जून महिन्यात दिल्लीत टोमॅटोच्या दरात (Tomato Market Rate) किलोमागे 28 रुपयांची वाढ झाली आहे.
