हॅलो कृषी ऑनलाईन: हवामान विभागाच्या अंदाजानुसार महाराष्ट्रात (Maharashtra Weather Update) 24 ऑगस्ट ते 26 ऑगस्ट या कालावधीत संपूर्ण प्रदेशात पावसाचा जोर कायम राहील असा अंदाज वर्तविण्यात आलेला आहे.
पुणे, सांगली, सातारा, रायगड आणि अहमदनगर येथे हलक्या पावसाची शक्यता असल्याचे (Maharashtra Weather Update) हवामान खात्याने (IMD) सांगितले आहे.
या व्यतिरिक्त, याच कालावधीत विदर्भ, रायगड आणि अहमदनगरच्या काही भागात वि‍जांच्या कडकडाटासह वादळ आणि हलका ते मध्यम पाऊस अपेक्षित आहे. अमरावती, वर्धा, यवतमाळ, नागपूर, भंडारा आणि गोंदियासह विदर्भातील विशिष्ट भागातही हलका ते मध्यम पावसाचा (Light To Medium Rain) अंदाज व्यक्त करण्यात येत आहे (Maharashtra Weather Update).
मुंबईत आज संभाव्य पाऊस किंवा गडगडाटासह अंशत: ढगाळ आकाश असण्याची शक्यता आहे. 24 ऑगस्टला मुंबईत दिवसभर पावसाची शक्यता वर्तविण्यात आलेली आहे.
मराठवाड्यात 22 ऑगस्ट रोजी नांदेड, लातूर, परभणी व हिंगोली जिल्हयात तूरळक ठिकाणी वादळी वारा, मेघगर्जना, विजांचा कडकडाट, वाऱ्याचा वेग अधिक (ताशी 30 ते 40 कि.मी.) राहून हलक्या ते मध्यम स्वरूपाच्या पावसाची शक्यता आहे. मराठवाडयात दिनांक 23 ते 29 ऑगस्ट दरम्यान पाऊस सरासरीपेक्षा जास्त राहण्याची शक्यता आहे (Maharashtra Weather Update).
आज आणि उद्या कोकणात तुरळक ठिकाणी जोरदार पावसाची शक्यता आहे. 24 ऑगस्ट ला कोकणात काही ठिकाणी जोरदार ते अति जोरदार पावसाची शक्यता वर्तविण्यात आलेली आहे.
विदर्भ आणि मध्य महाराष्ट्रात सुद्धा काही ठिकाणी जोरदार पावसाची शक्यता आहे.
हवामान विभागाच्या अंदाजानुसार (IMD Prediction) 24 ऑगस्ट ते 26 ऑगस्ट या कालावधीत संपूर्ण राज्यात पावसाचा जोर कायम राहील (Maharashtra Weather Update).
