हवामान खात्याकडून दिलासादायक बातमी ! राज्यात ‘या’ भागात आज पुन्हा वरुणराजा बरसणार

हॅलो महाराष्ट्र ऑनलाईन : जून महिन्याच्या पहिल्या आठवड्यात पावसाने दमदार हजेरी लावल्याने शेतकर्‍यांनी पेरणी करायला सुरुवात केली होती त्यानंतर मात्र. मागील काही दिवसांपासून पावसाने दडी मारल्यामुळे शेतकरी मात्र चिंतेत सापडला आहे. राज्यातील अनेक भागात पावसाविना दुबार पेरणीचे संकट शेतकर्‍यांपुढे ओढवले आहे. पण आता हवामान विभागाने राज्यातील शेतकऱ्यांसाठी आनंदाची बातमी दिली आहे. राज्यातील काही भागामध्ये पुन्हा एकदा पाऊस हजेरी लावणार असल्याचे हवामान विभागाने सांगितले आहे.

Thunderstorm accompanied with lightning moderate to intense spells of rain & gusty winds very likely to occur at isolated places in the districts of Aurangabad,Jalna,Parbhani,Hingoli,Latur,Beed, Osmanabad, Ahmednagar,Nasik,Dhule,Nandurbar, Satara & Sangli during next 3 -4 hrs pic.twitter.com/15OneiXcG3

— Regional Meteorological Center,Mumbai (@RMC_Mumbai) June 28, 2021

हवामान विभागाचे तज्ञ् के. एस. होसाळीकर यांनी दिलेल्या माहितीनुसार राज्यातील औरंगाबाद, जालना, परभणी, हिंगोली, लातूर, बीड, उस्मानाबाद, अहमदनगर, नाशिक, धुळे, नंदुरबार, सातारा आणि सांगली या जिल्ह्यांमध्ये वादळी वाऱ्यासह मध्यम ते तीव्र गदारांच्या वाऱ्यासह पाऊस पडण्याची शक्यता आहे. पुढील 3 -4 तास हा पाऊस वरील भागात पुन्हा आगमन करेल असे होसाळीकर यांनी सांगितले आहे.

राज्यात मध्य महाराष्ट्र, मराठवाडा आणि विदर्भात आज सोमवारी (दि. 28) तुरळक ठिकाणी मुसळधार पावसाची (rain) शक्यता वर्तवण्यात आली आहे. तसेच पुढील आठवड्यात सरासरीपेक्षा कमी पाऊस पडण्याचा अंदाजही हवामान खात्याने वर्तवला आहे. तर मंगळवारनंतर (दि. 29) राज्यभरात पावसाचा जोर ओसरण्याची शक्यता आहे.

Coming 24 hrs severe weather warnings issued by IMD today for Maharashtra. Almost entire state is covered with possibilities of TSRA🌧☔🌩🌩
Watch for updates from IMD pic.twitter.com/sFaGB3lmck

— K S Hosalikar (@Hosalikar_KS) June 28, 2021

कृषी मंत्र्यांचा पेरणीबाबत महत्वाचा सल्ला

राज्यात सध्या काही ठिकाणी पेरणीला सुरुवात झाली असून 22 जुन पर्यंत राज्यात सुमारे 27 टक्के पेरण्या झाल्या आहेत. गेल्यावर्षी याच तारखेपर्यंत 38 टक्के पेरण्या झाल्या होत्या. शेतकऱ्यांनी किमान 80 ते 100 मिलिमीटर इतका पाऊस झाल्याशिवाय पेरणी करू नये . असा महत्वाचा सल्ला कृषी मंत्री दादा भुसे यांनी दिला आहे.