Onion Rate Today : आजचे कांदा बाजारभाव

हॅलो कृषी ऑनलाईन : शेतकरी मित्रांनो सध्याचे कांदा भाव बाजार भाव बघितले असता हे भाव घसरल्याचे दिसून येत आहे. त्यामुळे कांदा उत्पादक शेतकरी हवालदिल झाला आहे. लाल कांद्याच्या पाठोपाठ उन्हाळी कांदा देखील कमी दरात विकला जात असल्याने कांदा उत्पादक शेतकरी अडचणीत सापडला आहे.

आज सायंकाळी पाच वाजेपर्यंत प्राप्त झालेल्या राज्यातील विविध बाजार समित्यांमधील बाजार भावानुसार आज कांद्याला सर्वाधिक पंधराशे रुपयांच्या कमाल दर मिळाला आहे. हा दर कराड कृषी उत्पन्न बाजार समिती येथे मिळाला असून आज कराड कृषी उत्पन्न बाजार समितीमध्ये हालवा जातीच्या कांद्याचे दोनशे एक क्विंटल इतकी आवक झाली. याकरिता किमान भाव चारशे, कमाल भाव पंधराशे रुपये आणि सर्वसाधारण भाव पंधराशे रुपये का मिळाला आहे.

काही दिवसांपूर्वी असलेले 3 हजार रुपयांपर्यंतचे कांदा बाजार भाव थेट हजार रुपयांपर्यंत गडगडले आहेत. त्या खालोखाल सोलापूर कृषी उत्पन्न बाजार समितीमध्ये तेराशे रुपयांचा कमाल भाव मिळतोय. अकलूज कृषी उत्पन्न बाजार समितीत चौदाशे रुपयांचा कमाल भाव मिळतोय तर मंगळवेढा कृषी उत्पन्न बाजार समितीमध्ये बाराशे पन्नास रुपयांचा कमाल भाव कांद्याला मिळत आहे. तसेच कोल्हापूर कृषी उत्पन्न बाजार समितीमध्ये चौदाशे रुपयांचा कमाल भाव कांद्याला मिळत आहे. दरम्यान सोलापूर कृषी उत्पन्न बाजार समितीमध्ये सर्वाधिक कांद्याची आवक झालेली पाहायला मिळत आहे. ही आवक वीस हजार 479 क्विंटल इतकी झाली आहे. तर त्याकरिता किमान भाव शंभर ते कमाल भाव तेराशे रुपयांपर्यंत तर सर्वसाधारण भाव पाचशे पन्नास रुपयांपर्यंत मिळत आहे. कांद्याच्या दरात सुधारणा होण्याची अपेक्षा कांदा उत्पादक शेतकऱ्यांना लागून राहिली आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे कांदा बाजारभाव