हेलो कृषी ऑनलाईन : पी.एम. किसान योजना व नमो शेतकरी योजनेच्या (PM Kisan and NAMO Shetkari Installment) राज्यातील लाभार्थी शेतकऱ्यांसाठी आनंदाची बातमी आहे. केंद्र सरकारच्या पी. एम. किसान योजनेच्या 18व्या हप्त्याचे व राज्य सरकारच्या नमो शेतकरी महासन्मान योजनेच्या 5व्या हप्त्याचे एकाच दिवशी वितरण होणार आहे.
दोन्ही योजनांचे प्रत्येकी 2 हजार रुपये मिळणार (PM Kisan and NAMO Shetkari Installment)
दि. 5 ऑक्टोबर रोजी पोहरादेवी (ता. मानोर, जि. वाशिम) येथे होणाऱ्या निधी वितरण समारंभात पंतप्रधान नरेंद्र मोदी यांच्या हस्ते केंद्र सरकारच्या पी.एम. किसान सन्मान निधी योजनेच्या 18व्या हप्त्याचे व राज्य सरकारच्या नमो शेतकरी महासन्मान योजनेच्या 5व्या हप्त्याचे हस्तांतरण डीबीटी द्वारे होणार असल्याचे कृषी विभागाच्या कार्यालयाने सांगितले आहे.
पी. एम. किसान सन्मान निधी व नमो शेतकरी महासन्मान निधी या दोन्ही योजनांचे प्रत्येकी 2000 रुपये महाराष्ट्रातील 91.53 लाख लाभार्थी शेतकऱ्यांच्या बँक खात्यामध्ये जमा होणार आहेत.
