हॅलो कृषी ऑनलाईन: आनंद कृषी विद्यापीठाच्या (Pulp Extraction Machine) कृषी अभियंत्यांच्या चमूने विकसित केलेल्या पल्प काढण्याच्या उपकरणाला (Pulp Extraction Machine) पेटंट नियंत्रक, भारत सरकारच्या कार्यालयाकडून पेटंट मिळाले आहे.
फळांतून बिया काढणे (Seed Extraction) हे एक कटकटीचे काम आहे. फळ प्रक्रिया उद्योगांना (Fruit Processing Industry) या प्रक्रियेमुळे दीर्घकाळ त्रास झाला आहे.
या संशोधनामुळे (Pulp Extraction Machine) बिया हाताने काढण्याची कटकट दूर होणार असून, हे उपकरण केवळ फळ प्रक्रिया उद्योगांसाठीच नव्हे तर शेतकरी, व्यावसायिक अन्न प्रक्रिया सुविधा, सामुदायिक स्वयंपाकघर आणि अगदी घरगुती उपयोगासाठी सुद्धा गेम चेंजर असल्याचे सांगितल्या जात आहे. हे यंत्र फळांपासून काढलेल्या पल्पचे शेल्फ-लाइफ देखील वाढवते.
बीजित फळांपासून लगदा काढण्याची पारंपारिक पद्धत खूप त्रासदायक आणि वेळखाऊ आहे. विद्यापीठाने विकसित केलेले फूड पल्प एक्स्ट्रॅक्टर हे एक अखंड ऑटोमेटेड सोल्युशन आहे जे पल्प काढण्यात एकसमानता आणि अचूकता सुनिश्चित करते.
या पल्प एक्स्ट्रॅक्टरची सर्वात उल्लेखनीय बाब म्हणजे फळांच्या परिपक्वतेनुसार हे यंत्र अडजस्ट करता येते. यामुळे फळांच्या पिकण्यानुसार प्रक्रिया सोपी करता येते. यामुळे जास्तीत जास्त पल्प मिळून, कमीतकमी वेस्ट होते. हे उपकरण ताशी 90 किलो वजन हाताळू शकते
अन्न प्रक्रिया उद्योगात वापरल्या जाणाऱ्या सध्याच्या मशिनरीमध्ये पाणीयुक्त पल्प मिळतो आणि बहुतेक फळे वाया जातात.
या नवीन यंत्राद्वारे चव किंवा पोत यांच्याशी तडजोड न करता उच्च-गुणवत्तेचे पल्प काढले जाते. तसेच हे उपकरण बंद वातावरणात चालत असल्याने ते ऑक्सिडेशन आणि वातावरण दूषित होण्याचे धोके कमी करते.
या उपकरणातून काढलेल्या सीताफळाच्या पल्पची शेल्फ-लाइफ उणे 12 आणि उणे 20 अंश सेल्सिअस तापमानात डीप फ्रीझरमध्ये ठेवल्यास ते एक वर्षापर्यंत वाढते.
गुजरातमध्ये सीताफळ प्रामुख्याने वनविभाग किंवा आदिवासींद्वारे शेताच्या बांध्यावर लावले जातात. “पंचमहाल आणि डांग येथील आदिवासी हे सीताफळ तोडतात. पण जेव्हा ते जंगलातून बाजारात विकण्यासाठी आणतात तेव्हा बरेच सीताफळ पिकतात किंवा कुजतात, परिणामी कचरा होतो.
राज्य सरकारच्या अनुदानासह, हे उपकरण (Pulp Extraction Machine) शेतकऱ्यांना, विशेषत: गुजरातच्या आदिवासी भागात, त्यांचे उत्पन्न वाढवण्यासाठी पुरवले जाऊ शकते.
