Soyabean Rate Today :सोयाबीनचे भाव पुन्हा वाढले, आज मिळाला कमाल 8355 रुपयांचा भाव…

हॅलो कृषी ऑनलाईन : शेतकरी मित्रांनो मागील आठवड्यामध्ये सोयाबीनला (Soyabean Rate Today) चांगला भाव मिळाला होता. हा भाव 7500 रुपये कमाल इतका होता. सोयाबीनच्या दरात या आठवड्याच्या सुरुवातीला घट नोंदवण्यात आली आहे. मात्र सोयाबीनचे आजचे बाजार भाव पाहता बाजार भाव सुधारल्याचे दिसत आहे. विशेष म्हणजे आज दर्यापूर कृषी उत्पन्न बाजार समितीमध्ये सोयाबीनला कमाल आठ हजार 355 रुपयांचा भाव मिळाला आहे.

आज दर्यापूर कृषी उत्पन्न बाजार समितीमध्ये 300 क्विंटल पिवळ्या सोयाबीनची आवक झाली. याकरिता किमान 3875, कमाल आठ हजार 355 आणि सर्वसाधारण सात हजार 350 रुपये इतका भाव मिळाला आहे. त्याखालोखाल लासलगाव विंचूर कृषी उत्पन्न बाजार समितीमध्ये सोयाबीनला कमाल सात हजार दोनशे रुपयांचा भाव मिळाला. उदगीर कृषी उत्पन्न बाजार समितीमध्ये 7150 रुपयांचा कमाल भाव मिळाला. लातूर कृषी उत्पन्न बाजार समितीमध्ये देखील सोयाबीनच्या(Soyabean Rate Today) दरात वाढ झालेली दिसून येते आहे.

आवक मंदावली

लातूर कृषी उत्पन्न बाजार समितीमध्ये सोयाबीन ला कमाल 7360 रुपयांचा भाव मिळाला मात्र आवक कमी झाल्याचे दिसून येते आज लातूर कृषी उत्पन्न बाजार समितीमध्ये 6029 क्विंटल पिवळ्या सोयाबीनची आवक झाली. सोयाबीनच्या पुन्हा वाढलेल्या भावामुळे शेतकऱ्यांमध्ये समाधानाचे वातावरण आहे. मात्र एकूणच सोयाबीनचे सर्वसाधारण भाव बघता हे जास्तीत जास्त सात हजार दोनशे रुपयांपर्यंत आहेत. आगामी खरीप हंगामामध्ये सोयाबीनची(Soyabean Rate Today) लागवड मोठ्या प्रमाणात केली जाण्याची शक्यता आहे. कारण सोयाबीनला मिळणारा चांगला भाव हे त्यामागचं कारण आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 6-5-22 सोयाबीन बाजारभाव