Herbs For Egg Production: अंड्याचे उत्पादन वाढवायचे आहे? करा ‘या’ औषधी वनस्पतींचा उपयोग!

हॅलो कृषी ऑनलाईन: बरेच शेतकरी शेती सोबत केला जाणारा जोडव्यवसाय म्हणून कुक्कुटपालन (Herbs For Egg Production) करतात. भारतात मोठ्या प्रमाणात पोल्ट्री व्यवसायाला (Poultry Farming) व्यावसायिक स्वरूप आले असून कॉन्ट्रॅक्ट पद्धतीमध्ये आता व्यावसायिक दृष्टिकोनातून पोल्ट्री व्यवसाय मोठ्या प्रमाणावर केला जात आहे. परंतु अजून देखील बरेच शेतकरी छोट्या प्रमाणात कुकूटपालन व्यवसाय करतात व हा केला जाणारा कुक्कुटपालन व्यवसाय प्रामुख्याने मांस उत्पादन (Chicken Meat Production) आणि अंडी उत्पादनासाठी (Egg Production) केला जातो. परंतु बऱ्याचदा व्यवस्थापन खूप चांगल्या पद्धतीने केले जाते.

परंतु काही छोट्या गोष्टींमुळे कोंबड्यांमधील उत्पादन क्षमता कमी होते. जर आपण कोंबड्यांची अंडी उत्पादनाच्या वयाचा विचार केला तर सतराव्या आठवड्यापासून 72 व्या आठवड्या पर्यंत कोंबडी अंडे देतात. त्यामुळे कोंबड्यांचा जो काही अंडी उत्पादनाचा कालावधी आहे त्यामध्ये जास्त अंड्यांचे उत्पादन मिळावे यासाठी काही औषधी वनस्पतींचा (Herbs For Egg Production) चांगला उपयोग होऊ शकतो. याविषयी या लेखात माहिती घेऊ.

अंडी उत्पादन वाढविण्यासाठी उपयुक्त औषधी वनस्पती (Herbs For Egg Production)

जीवंती- या औषधी वनस्पतीचा उपयोग जनावरांमध्ये दूध उत्पादन वाढविण्यासाठी आणि कोंबड्यांमध्ये अंड्यांचे उत्पादन वाढविण्यासाठी प्रामुख्याने केला जातो. या संपूर्ण वनस्पतीचा वापर औषधात केला जातो. यासाठी प्रति पक्षासाठी 0.5 ग्रॅम या प्रमाणात वनस्पतीचे मात्रा असावी.

मेथी (Fenugreek Seeds)- मेथी या वनस्पतीची बी म्हणजेच आपण त्याला मेथ्या असे देखील म्हणतो. अंडी उत्पादन वाढवण्यासाठी  अत्यंत उपयुक्त आहे. जर खाद्यातून 10 ग्रॅम प्रति 100 पक्षी अशी खाद्यातून नियमित मात्रा देणे गरजेचे आहे.

शतावरी (Asparagus) – ही औषधी वनस्पती असून आपण शोभेसाठी घराजवळ कुंडीत देखील लावतो. शतावरीचे मूळ औषधात वापरले जाते व या मुळाची पावडर कोंबड्यांच्या खाद्यातून देणे गरजेचे आहे.

कोंबड्यांची कमी झालेली अंडी उत्पादन क्षमता वाढविण्यासाठी प्रतिपक्षी 0.5 ग्रॅम या मात्रेमध्ये शतावरीचा वापर करावा. तसेच पक्षाच्या वयाच्या दहाव्या आठवड्यापासून 0.25 ग्रॅम प्रति पक्षी या मात्रेत या वनस्पतीचा वापर केला तर अंडी उत्पादनात वाढ होते.

तीनही वनस्पतींचा एकत्रित वापर (Herbs For Egg Production)

यासाठी शतावरी 45 ग्रॅम, जीवन्ती 45 ग्रॅम व मेथी 10 ग्रॅम हे घटक एकत्र करून बारीक करून घ्यावेत व दहा ग्रॅम प्रति 100 पक्षी या मात्रेत दररोज पक्षांच्या खाद्यातून द्यावे.

हीच एकत्रित औषधी (Herbs For Egg Production) पक्षाच्या वयाच्या 100 आठवड्यापासून दहा ग्रॅम प्रति 500 पक्षी या मात्रेत नियमितपणे दिल्यास अशा पक्षांपासून अंडी उत्पादन जास्तीत जास्त मिळते.