हॅलो कृषी ऑनलाईन : शेतीतील यांत्रिकीकरणाचा विचार केला तर सगळ्या प्रकारच्या कृषी यंत्रांमध्ये (Swaraj Tractors) आपल्या डोळ्यासमोर येते ते यंत्र म्हणजे ट्रॅक्टर हे होय. कारण सध्याच्या काळात ट्रॅक्टरच्या वापराशिवाय शेतीचा विचारच करता येऊ शकत नाही. कारण अगदी हंगामाच्या सुरुवातीला शेतीची पूर्व मशागत, पीक लागवड तसेच आंतरमशागतीची काम व पीक काढण्याच्या कामांसाठी ट्रॅक्टरचा उपयोग फार मोठ्या प्रमाणावर होतो. तसेच शेतमाल वाहतूक करण्यासाठी देखील ट्रॅक्टर (Swaraj Tractors) हे आवश्यक आहे.
सध्याच्या घडीला विचार करता, देशातील बाजारात अनेक वेगवेगळ्या नामांकित कंपन्यांचे ट्रॅक्टर बाजारपेठेत आहेत. प्रत्येक कंपनीच्या ट्रॅक्टरचे वेगवेगळे वैशिष्ट्य आहेत. याच पार्श्वभूमीवर आज आपण शेतकऱ्यांसाठी अगदी फायदेशीर आणि किफायतशीर किमतीत मिळणाऱ्या स्वराज्य कंपनीच्या दोन ट्रॅक्टर (Swaraj Tractors) मॉडेलची माहिती जाणून घेणार आहोत.
‘हे’ आहेत फायदेशीर ट्रॅक्टर (Swaraj Tractors For Farmers)
स्वराज्य 855 डीटी प्लस : जर आपण स्वराज्य कंपनीच्या या ट्रॅक्टरचा विचार केला तर हा एक सर्वोत्कृष्ट ट्रॅक्टर असून, त्याची क्षमता 22 एचपीची आहे. कंपनीने या ट्रॅक्टरला तीन सिलेंडर आणि दोन हजार सीसी क्षमतेचे इंजिन दिले आहे. या ट्रॅक्टरचे ट्रान्समिशनचा विचार केला तर या ट्रॅक्टरला पुढे आठ गियर आणि रिव्हर्स दोन गिअर आहेत. या ट्रॅक्टरची वजन उचलण्याची म्हणजेच हायड्रोलिक क्षमता 1700 किलोग्रॅम असून, या ट्रॅक्टरची किंमत सात लाख 35 हजार ते सात लाख 80 हजार इतकी आहे.
स्वराज्य 724 एक्स प्लस : हा 25 एचपी क्षमतेचा स्वराज कंपनीचा सर्वोत्कृष्ट कमी बजेटमध्ये उपलब्ध असणारा ट्रॅक्टर आहे. या ट्रॅक्टरमध्ये दोन सिलेंडर देण्यात आले असून, इंजिन क्षमता 1824 सीसी आहे. या ट्रॅक्टरच्या ट्रान्समीशनचा विचार केला तर, पुढील बाजूस आठ गिअर आणि मागील बाजूस दोन रिव्हर्स गिअर देण्यात आले आहे. या ट्रॅक्टरची वजन उचलण्याची क्षमता साधारण एक हजार किलो एवढी असून, या ट्रॅक्टरची किंमत तीन लाख 75 हजार रुपये इतकी आहे.
