हॅलो कृषी ऑनलाईन: राष्ट्रीय द्राक्ष संशोधन केंद्र (NRCG) यांनी हवामान आणि द्राक्षाच्या (Grape Canopy Management) वाढीच्या टप्प्यांवर आधारित, द्राक्षबागेसाठी सूचना जारी केलेल्या आहेत जाणून घेऊ या जुन्या द्राक्षबागेत (Old Grape Orchard) कॅनोपी व्यवस्थापन (Grape Canopy Management) कसे करायचे याविषयी.
जुनी द्राक्ष बाग व्यवस्थापन (Grape Canopy Management)
- नुकत्याच झालेल्या पावसामुळे तापमानात घट झाली आहे आणि द्राक्ष बागेत सापेक्ष आर्द्रता वाढली. वाढलेली आर्द्रता केवडा (Downey) आणि करपा (Anthracnose) सारख्या बुरशीजन्य रोगांची निर्मिती करते.
- 90 दिवसांनी द्राक्ष बागा काडी पक्वतेच्या (Cane Maturity) अवस्थेत असू शकते. जर नवीन वाढ चालू राहिल्यास, काडीची परिपक्वता होण्यास उशीर होईल. शेंडाखुड (Pinching) आणि बगलफूट काढून टाकल्यास ओपन कॅनोपी (Grape Canopy Management) तयार होण्यास मदत होईल. ज्यामुळे आर्द्रता वाढण्याची शक्यता कमी होते. रोगाचा प्रादुर्भाव कमी होईल.
- ठिबक द्वारे पोटॅशचा वापर @ 1.0 ते 1.25 किलो प्रति एकर आणि फवारणी @ 3.5 ते 4.0 ग्रॅम/लि. पाणी याप्रमाणे केल्यास काडीची परिपक्वता वाढण्यास मदत होईल.
- अनेक द्राक्ष बागांमध्ये, काडीची अनियमित परिपक्वता अनुभवली जाते. बोर्डो 10 दिवसांच्या अंतराने @ 0.75 ते 1.0% फवारणी केल्यास समस्या नियंत्रणात येण्यास मदत होईल.
- पाने पिवळी पडणे (Yellowing Of Grape Leaves) हे मुळात फेरस, मॅग्नेशियम आणि पालाशच्या कमतरतेमुळे होते. जमिनीत कॅल्शियम कार्बोनेट जास्त प्रमाणात उपलब्ध झाल्यामुळे पोटॅश तयार होते. त्यामुळे, शेणखतामध्ये गंधक मिसळल्यास समस्या दूर होण्यास मदत होईल. सध्या शेणखत वापरणे शक्य होणार नाही अशा स्थितीत ठीबकद्वारे विद्राव्य फेरस आणि मॅग्नेशियम देता येते.
- काडीची नियमित परिपक्वता येण्यासाठी स्फुरद व पालाश ग्रेड खतांचा वापर करता येतो. तसेच वेलीवरील ताण टाळल्यास ही समस्या निश्चितपणे नियंत्रित होईल तसेच बोर्डेक्स मिश्रणाची 0.75 ते 1.0% फवारणी केल्यास व माती भिजवल्यास देखील नियंत्रित करण्यास मदत करा.
