हॅलो कृषी ऑनलाईन: संपूर्ण जगात सध्या बर्ड फ्लू (Bird Flu) आजारात मोठ्या प्रमाणात वाढ होत आहे. कोंबडी पालन व्यवसाय (Poultry Farming) प्रभावित करणाऱ्या धोकादायक रोगांपैकी एक महत्वाचा आजार आहे, ज्यामध्ये शेतातील सर्व कोंबड्या एक एक करून मरायला लागतात. त्यामुळे कुक्कुटपालकांचे लाखो रुपयांचे नुकसान होत आहे. कुक्कुटपालन करणाऱ्या शेतकऱ्यांनी बर्ड फ्लूबाबत सावध राहण्याची नितांत गरज आहे. कोंबड्यांसाठी तसेच शेतकऱ्यांसाठी हा अत्यंत जीवघेणा आजार मानला जातो. बर्ड फ्लूचा प्रादुर्भाव झाल्यास त्याचा प्रसार रोखणे फार कठीण होऊन बसते. शेतात बर्ड फ्लूचा प्रादुर्भाव झाल्यानंतर तेथे काम करणाऱ्या कर्मचाऱ्यांनाही या आजाराची (Poultry Disease) लागण होण्याची शक्यता वाढते. काही गोष्टी लक्षात ठेवल्यास हे नुकसान टाळता येते. आजच्या लेखात पोल्ट्री फार्मला बर्ड फ्लूपासून (Bird Flu) सुरक्षित ठेवण्यासाठी कोणते उपाय करावेत हे जाणून घेऊ या.
बर्ड फ्लूपासून पोल्ट्री फार्म सुरक्षित ठेवण्याचे 20 उपाय (Bird Flu Preventive And Control Measures)
- बर्ड फ्लूपासून (Bird Flu) पोल्ट्री फार्म (Poultry Farm) सुरक्षित ठेवण्यासाठी सर्व उपकरणे आणि परिसर निर्जंतुक करून ठेवावा, परिसराच्या स्वच्छतेकडे विशेष लक्ष द्यावे.
- कोंबडी, अंडी आणि त्यांचे खाद्य यांची वाहतूक करण्यासाठी वापरण्यात येणारी वाहने देखील स्वच्छ ठेवावीत.
- पोल्ट्री फार्म मधील फरशी, छत आणि भिंती वेळोवेळी धुवाव्यात, जेणेकरून जंतू कोंबड्यांपर्यंत पोहोचणार नाहीत.
- याशिवाय पिंजरा किंवा इतर कोणतीही वस्तू फॉर्ममध्ये उष्णतेद्वारे निर्जंतुक केली जाऊ शकते.
- कोंबड्यांची खाण्याची भांडी जंतुपासून सुरक्षित ठेवण्यासाठी ती स्वच्छ करून जंतुनाशक रसायनांनी धुवावीत.
- कोंबड्यांची खायची टाकी रिकामी करून गरम पाण्याने धुवावी, जेणेकरून कोंबड्यांपर्यंत कोणतेही जंतू किंवा रोग (Bird Flu) पोहोचू शकत नाहीत.
- पोल्ट्री फार्मवर येणाऱ्या कर्मचार्‍यांनी हात पाय स्वच्छ ठेवण्यासाठी रेक्टिफाइड स्पिरिट, सॅव्हलॉन किंवा डेटॉल द्रावणाचा वापर करावा.
- फॉर्ममध्ये ठेवलेल्या गोष्टी स्वच्छ करण्यासाठी तुम्ही NaOH 2 सोल्यूशन वापरू शकता.
- पोल्ट्री फार्मच्या भिंती, फरशी आणि छत स्वच्छ करण्यासाठी अमोनियम क्षारांचा वापर करून त्यांचे जंतुपासून संरक्षण करता येते.
- फार्मच्या भिंती आणि मजल्यांवर कॅल्शियम हायड्रॉक्साईडचे द्रावण वापरावे.
- पोल्ट्री फार्मचा मजला साफ करण्यासाठी क्रेसॉलिक ऍसिडचे द्रावण देखील वापरू शकता.
- शेतातील मजले जंतूंपासून स्वच्छ आणि संरक्षित करण्यासाठी शेतकरी सिंथेटिक फिनॉलपासून तयार केलेले द्रावण देखील वापरू शकतात.
- पोल्ट्री फार्ममध्ये फॉगिंग करण्यासाठी तुम्ही फॉर्मेलिन आणि परमँगनेट वापरू शकता.
- शेतात पडलेल्या वापरात नसलेल्या वस्तू नष्ट कराव्यात.
- पोल्ट्री फार्ममधील कचरा, खराब झालेली अंडी, गवत आणि कोंबडीची पिसे काढून टाकावीत.
- पोल्ट्री फार्मचा संक्रमित कचरा जाळण्यात जाळावा आणि त्या ठिकाणी पाणी साचू देऊ नये.
- मेलेल्या कोंबड्या आणि प्रादुर्भावीत अंडी जाळू किंवा पुरू शकता.
- शेतात रोगाचा (Bird Flu) प्रादुर्भाव आढळल्यास, संक्रमित कुक्कुट खाद्य (Infected Poultry Feed) आधी जाळून टाकावे.
- ज्या कर्मचार्‍यांनी संक्रमित पक्षी आणि सामान जाळले आहेत, त्यांनी परिधान केलेले कपडे सुद्धा जाळावेत.
