कांद्याच्या भावात 200 रुपयांची घट ; झटपट पहा आजचे कांदा बाजारभाव

हॅलो कृषी ऑनलाईन : शेतकरी मित्रांनो राज्यातील आजचे कांदा बाजार भाव पाहता गुरुवार पेक्षा आजच्या बाजार भावा मध्ये काहीशी घट झाल्याचे दिसून येत आहे. राज्यातील बाजार समित्यांमधील आजचे कांदा बाजार भाव पाहता आज सर्वाधिक 3500 बाजार भाव मिळाल्याचे दिसून येत आहे. राज्यातील मुंबई कांदा बटाटा मार्केट, पारनेर, सांगली फळे भाजीपाला मार्केट येथे कमाल 3500 इतका भाव कांदा ला मिळाला आहे. दुपारी 04:42 पर्यंत मिळालेल्या बाजारभावानुसार. आज सर्वाधिक आवक ही पुणे कृषी उत्पन्न बाजार समिती येथे झालेली दिसून येत आहे. पुणे कृषी उत्पन्न बाजार समितीमध्ये 16641 क्विंटल कांद्याची सर्वाधिक आवक झालेली दिसून येत आहे.

कांद्याच्या दरात २०० रुपयांची घट

राज्यातील गुरुवारचे बाजार भाव पाहता कांद्याला आज चांगला भाव मिळेल आणि कांदा हा चार प्रतिक्विंटल चा आकडा गाठेल असे वाटत होते. मात्र आजचे राज्यातील कांदा बाजार भाव पाहतात कांद्याचे दर हे प्रति क्विंटल 100 ते 200 रुपयांनी घटल्याचे दिसून येत आहे. गुरुवारचा सर्वाधिक कांदा बाजारभाव 3700 रुपये होता. मात्र आजचा सर्वाधिक भाव 3500 इतका आहे. जी चिंतेची बाब आहे.

गुरुवारी मुंबई कृषी उत्पन्न बाजार समितीत कांद्याला कमाल भाव हा 3700 मिळाला होता. मात्र आजचा बाजार भाव पाहता केवळ तीन हजार पाचशे रुपये मिळाला आहे. त्यामुळे दोनशे रुपयांची घट झाल्याचे दिसून येत आहे. तसेच कोल्हापूर कृषी उत्पन्न बाजार समिती इथं कांद्याला 3500 कमाल भाव गुरुवारी मिळाला होता मात्र आजचा बाजार भाव पाहता तीनशे रुपयांची घट होऊन हा बाजार भाव कमाल तीन हजार दोनशे प्रति क्विंटल इतका मिळाला आहे.

लासलगाव बाजारभाव

आशियातली सर्वात मोठी कांदा बाजारपेठ म्हणून नावलौकिक असलेल्या लासलगाव कृषी उत्पन्न बाजार समितीमध्ये आज पंधरा हजार दोनशे क्विंटल कांद्याची आवक झाली आहे. या कांद्या करिता किमान भाव एक हजार रुपये, कमाल भाव 2480 रुपये तर सर्वसाधारण भाव 2170 इतका मिळाला आहे. सांगली कृषी उत्पन्न बाजार समितीमध्ये गुरुवारी कमाल 3600 इतका भाव मिळालेला होता मात्र आजचे बाजार भाव पाहता तीन हजार 500 इतका प्रतिक्विंटल भाव कांद्याला सांगलीत मिळाला आहे. कांद्याच्या भावात होणारी ही चढ-उतार शेतकऱ्यांसाठी अधिक चिंताजनक बनली आहे.

आजचे 7/1/22 कांदा बाजारभाव