तुरीला व्यापाऱ्यांकडून चांगली मागणी ; शेतकऱ्यांनाही मोठ्या अपेक्षा ; पहा किती मिळतोय दर

हॅलो कृषी ऑनलाईन : खरिपातील शेवटचे पीक असलेल्या तुरीकडून शेतकऱ्यांना मोठ्या अपेक्षा आहेत. तूर बाजारात दाखल होताच तुरीला खरीददारांकडून मागणी वाढली आहे. शिवाय शेतकऱ्यांना हमीभाव केंद्रापेक्षा चांगला तर कृषी उत्पन्न बाजार समित्यांमध्ये मिळतो आहे. हंगाम सुरु होण्यापूर्वी तुरीचे दर हे 6 हजारापेक्षा कमीच होते. मात्र, मागील आठवड्यापासून क्विंटलमागे 100 ते 200 रुपायंची वाढ झाली आहे. त्यामुळे सध्या तुरीचे व्यवहार हे 5 हजार 800 पासून ते 6 हजार 500 रुपयांपर्यंत होत आहेत. ही दरातील वाढ कमी रकमेने होत असली तरी शेतकऱ्यांना दिलासा देणारी आहे.

25-2-22 चे तुर बाजार भाव पाहता तुरीला सर्वाधिक 6850 इतका भाव मिळाला आहे. हा भाव उदगीर कृषी उत्पन्न बाजार समिती येथे मिळाला असून उदगीर कृषी उत्पन्न बाजार समितीत आज १३50 क्विंटल तूरीची आवक झाली. याकरिता किमान भाव 6500 रुपये कमाल भाव 6850 आणि सर्वसाधारण भाव सहा हजार 675 रुपये प्रति क्विंटल मिळाला आहे. राज्यातील एकूणच तुर बाजार भाव पाहता हमीभाव केंद्रात मिळणाऱ्या दरापेक्षा हीच जास्त दर राज्यातल्या इतर कृषी उत्पन्न बाजार समितीमध्ये मिळतो आहे. त्यामुळे शेतकऱ्यांचा ओढा हा हमीभाव केंद्रांना सोडून इतर कृषी उत्पन्न बाजार समिती यांकडे आहे. याबरोबरच पहिल्यापेक्षा तुरीचा अवस्थेत वाढही झालेली दिसून येत आहे अमरावती कृषी उत्पन्न बाजार समिती इथला लाल तुरीचे 4218 क्विंटल इतकी सर्वाधिक आवक दिनांक 25 रोजी झाल्याचं दिसून येत आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एखादा खात्री करून मगच बाजरात विक्रीसाठी माल न्यावा. )

तूर बाजारभाव 25-2-22