हॅलो कृषी ऑनलाईन : कोल्हापूर जिल्हा सहकारी दूध उत्पादक संघ (गोकुळ) (Gokul Milk) व भारतीय ऍग्रो इंडस्ट्रीज फाउंडेशन (बायफ), उरळी कांचन यांच्या वतीने म्हैस दूध उत्पादन वाढीसाठी दोन प्रकल्प राबवले जाणार आहे. त्यासाठी इन्व्हारमेंटल डिफेन्स फंड अमेरिका यांच्याकडून १ कोटी ४६ लाखाचा फंड मिळणार आहे. अशी माहिती ‘गोकुळ’च्या (Gokul Milk) वतीने देण्यात आली आहे.
दोन प्रकल्प राबवले जाणार (Gokul Milk Get Fund From US)
म्हैस दूध उत्पादन वाढीसाठी व जनावरांचे प्रजनन, आरोग्य सुधारण्यासाठी संतुलित आहाराची (Gokul Milk) उपलब्धता सुनिश्चित करणे तसेच वैरण बँकेचे बळकटीकरण करणे व याद्वारे लहान दुग्ध व्यवसाय शाश्वत करून उत्पादकता वाढवणे या उद्देशाने जिल्ह्यामध्ये दोन प्रकल्प राबवले जाणार आहेत. या प्रकल्पामध्ये प्राथमिक स्तरावर किमान २०० गावातील १५०० म्हैशींचा समावेश केला जाणार आहे. या प्रकल्पासाठी इन्व्हारमेंटल डिफेन्स फंड अमेरिका यांचेकडून १ कोटी ४६ लाखाचा फंड मिळणार असून, यासाठी नॅशनल डेअरी डेव्हलपमेंट बोर्ड, आनंद व नॅशनल डेअरी रिसर्च इन्स्टिट्यूट कर्नाल (हरियाणा) यांचे तांत्रिक सहाय व मार्गदर्शन होणार आहे.
असे असतील दोन्ही प्रकल्प
दरम्यान, यामुळे गोकुळच्या दूध संकलनात गुणवत्तापूर्ण वाढ होण्यास मदत होणार आहे. पशुखाद्यांच्या पोषण तत्त्वाचे प्रयोगशाळेत तपासणी होईल. चारा वीट वापरासाठी आग्रह धरला जाईल. सुधारित चारा उत्पादन, संतुलित आहार व पशुधन व्यवस्थापनातील सुधारणा याचा वापर करून जनावरांच्या उत्पादक ते प्रजनन क्षमतेत व आरोग्य सुधारण्यासाठी मेळावे घेतले जाणार आहे. कार्यशाळा प्रशिक्षण प्रत्यक्ष सादरीकरण, प्लॉट व्हिजिट, वैरण बँका बळकटीकरण करणार आहे.
तर वैशिष्ट्यपूर्ण विकसित केलेल्या म्हैशींची माहिती संकलन करुन दूध उत्पादकता व प्रजनन क्षमतेच्या समस्यांचे निदान करणे. रक्ताची तपासणी करुन त्यानुसार संतुलित आहाराच्या सूचना दिल्या जाणार आहे. पारंपरिक दूध उत्पादनाचा ही अभ्यास होणार आहे.
