कांदा बाजारभाव अचानक कसे काय वाढले? जाणून घ्या महत्वाचं कारण

कांदा बाजारभाव : गेल्या काही महिन्यापासून कांदा पिकाला चांगला दर मिळत नसल्यामुळे कांदा उत्पादक शेतकरी अडचणीत सापडला आहे. मात्र सध्या कांद्याच्या दरामध्ये सुधारणा होताना दिसत आहे. राज्यात ज्या भागांमध्ये कांदा पिकाची लागवड मोठ्या प्रमाणात होते, त्या भागात पावसाने ओढ दिल्यामुळे कांदा लागवडी उशिरा होण्याची शक्यता आहे. राज्यात उशिरा झालेल्या पावसामुळे कांद्याचे नुकसान झाल्याने कांदा बाजारभावात सुधारणा होत आहे.

रोजचे बाजारभाव मोबाईलवर मिळवण्यासाठी येथे क्लिक करून App डाउनलोड करा

निर्यातदारांनी एकूण कांद्याच्या उपलब्धतेचा अंदाज घेवून कांदा खरेदी करण्यास सुरुवात केली आहे. बरेचसे शेतकरी दसरा, दिवाळी या सणाच्या काळात चाळीतील कांदा विक्रीसाठी आणत असतात. पाकिस्तानच्या कांद्याने आखाती देशांच्या बाजारपेठेत स्थान मिळविले आहे. परंतु निर्यातदारांच्या माहितीनुसार भारतीय कांद्याच्या तुलनेत पाकिस्तानचा कांदा ८० ते १०० डॉलरने स्वस्त विकला जातो. मात्र पाकिस्तानहून येणाऱ्या कांद्यासाठी जास्त वेळ लागत असल्याने मलेशियातील व्यापारी भारतीय कांद्याला पसंती देत आहेत.

भारताकडून श्रीलंकेत ३ हजार टन, बांगलादेशमध्ये ३ ते ४ हजार टन, मलेशियात अडीच हजार टन व सिंगापूरला ८०० टन कांद्याची निर्यात झाली आहे. त्यामुळेही कांदादरात सुधारणा झाल्याची पहावयास मिळत आहे. तसेच कर्नाटक राज्यामध्ये सप्टेंबर महिन्यात बाजारात येणाऱ्या कांद्याची लागवड कमी झाली आहे. तसेच राज्यात खरिपातील कांदा लागवडीसाठी उशीर झाल्याने ऑक्टोबर नोव्हेंबर महिन्यात कांदा बाजारातील की नाही याबद्दल शेतकऱ्यांमध्ये साशंकता आहे त्यामुळे येत्या आठ ते पंधरा दिवसांमध्ये कांद्याचे बाजार भाव कसे राहतील यावर कांदादराचे पुढील चित्र स्पष्ट होणार आहे.

शेतमाल : कांदा बाजारभाव

दर प्रती युनिट (रु.)