Tomatoes Price Increases: टोमॅटोची लाली खुलली ; दर झाले दुप्पट , पहा किती आहे भाव ?

हॅलो कृषी ऑनलाईन : शेतकरी मित्रांनो मागील वर्षी टोमॅटोला मिळालेल्या कवडीमोल दरामुळे टोमॅटो अक्षरशः रस्त्यावर फेकायची वेळ शेतकऱ्यांवर आली होती. मात्र यंदाच्या वर्षी टोमॅटोला बाजारात चांगला दर मिळतो आहे. या आठ दिवसातच टोमॅटोच्या दरामध्ये उसळी आली आहे. शिवाय टोमॅटो हा रोजच्या स्वयंपाकात रोज वापरला जाणारा घटक आहे. त्यामुळे त्याला नेहमीच मागणी असते. सध्या टोमॅटोच्या (Tomatoes Price Increases) वाढलेल्या दरामुळे ग्राहकांच्या खिशाला कात्री लागली असली तरी शेतकऱ्यांना मात्र चांगला भाव मिळतो आहे.

टोमॅटोच्या आवकेत घट

मे महिन्याच्या पहिल्या सप्ताहात तापमानात मोठी वाढ झाल्याने उष्णतेमुळे झाडांना सुकवा येऊन फुलगळ होण्यासह फळधारणा अवस्थेत अडचणी आल्याने उत्पादनात घट आली आहे. शिवाय मर, सूत्रकृमी या रोगांसह फळमाशी, टुटा व लालकोळीचा प्रादुर्भाव झाल्याने एकूण लागवडीपैकी ७० टक्के क्षेत्रावर उत्पादनाला फटका बसला आहे. राज्यातील नारायणगाव, संगमनेरसह जिल्ह्यातील अभोणा (ता. कळवण) दोडी, पांढुर्ली, दापूर(ता. सिन्नर) व इगतपुरी तालुक्यातील दौंडत, कचरगाव, तळोशी, धामणी, मुरमी, वैतरणा या भागांत लागवडीवर परिणाम होऊन उत्पादन घटल्याने आवकेवर मोठ्या प्रमाणावर परिणाम झाला आहे. तर सटाणा तालुक्यातील लागवडी कमी झाल्याचे सांगण्यात येत आहे. नाशिक कृषी उत्पन्न बाजार समितीच्या भाजीपाला मार्केटमध्ये शुक्रवारी (ता. २०) उच्चांकी ६ हजार ३७५ रुपये प्रतिक्विंटल दर मिळाला. तर सरासरी दर ४ हजार २५० रुपये (Tomatoes Price Increases) राहिला. गेल्या आठवड्यात आवक स्थिर होती, मात्र १७ मेनंतर आवक कमी झाल्याचे पाहायला मिळाले. त्यामुळे आठ दिवसांत टोमॅटोच्या दरात तेजी येऊन ते दुप्पट झाले आहेत. शिवाय कीड, रोग व तापमानवाढ यामुळे उत्पादनावर परिणाम झाला आहे.

मागणीच्या तुलनेत पुरवठा कमी आहे. गेल्या दीड महिन्यापासून दरात कायम सुधारणा दिसून आली. उन्हाळ्यात दर तिसऱ्या दिवशी एकरी प्रतितोड्याला सरासरी १२०० क्रेट टोमॅटो (Tomatoes Price Increases) निघतात; मात्र साध्य ते निम्म्यावर आले असून, ५०० ते ६०० क्रेट उत्पादन मिळत आहे. दरात सुधारणा दिसून येत असली तरी अनेक उत्पादनावर परिणाम झाल्याने काहीशी नाराजी आहे. एकंदरीतच टोमॅटो दराचे गणित निसर्गावर अवलंबून आहे.

कोल्हापुरात सर्वाधिक 10,000 रुपये क्विंटल दर

शेतकरी मित्रानो मागील दोन दिवसांचे कोल्हापूर येथील टोमॅटो (Tomatoes Price Increases) दर पहिले असता हे दर राज्यातीळ सर्वधिक दर असल्याचे दिसून येत आहे. कोल्हापुरात सर्वधिक 10000 रुपये क्विंटल भाव कोल्हापुरात मिळतो आहे. तर किरकोळ बाजारात टोमॅटोचा दर ३० रुपये पाव झाला आहे. आता लिंबू नंतर रोजच्या वापरातील टोमॅटोही महाग झाला आहे.

टोमॅटोचे राज्यातील ताजे भाव