चित्र पालटले …! सोयाबीनच्या दरात वाढ ; जाणून घ्या आजचे सोयाबीन बाजारभाव

हॅलो कृषी ऑनलाईन : शेतकरी मित्रांनो ,आज सायंकाळी पाच वाजेपर्यंत प्राप्त झालेल्या बाजारभावानुसार आज सर्वाधिक मेहकर कृषी उत्पन्न बाजार समितीत सोयाबीनला 7065 रुपये कमाल दर प्रति क्विंटल साठी मिळाला आहे. आज मेहकर कृषी उत्पन्न बाजार समितीमध्ये अकराशे 50 क्विंटल लोकल सोयाबीनची आवक झाली. याकरिता किमान भाव 5600 कमाल 7065 तर सर्वसाधारण भाव सहा हजार चारशे रुपये इतका मिळाला आहे. मागील दोन आठवड्यांपासून सोयाबीनच्या दरात सुधारणा झाल्याचं पाहायला मिळत आहे सोयाबीनचे कमाल दर हे सात हजारांवर जाऊन पोहोचले आहेत तर सोयाबीनचे सर्वसाधारण दर हे पाच हजार ते सहा हजार पाचशे रुपयांपर्यंत पोहोचले आहेत. त्यामुळे सोयाबीन उत्पादक शेतकऱ्यांच्या मध्ये समाधान व्यक्त केले जात आहे. शिवाय आता उन्हाळी सोयाबीनही बाजारात लवकरच होण्याची शक्यता आहे. मागच्या काही दिवसांपासून सोयाबीनच्या दरात म्हणावी तशी वाढ झाली नव्हती सोयाबीनचे दर 6000 ते 6200 दरम्यान होते. तेव्हा शेतकऱ्यांनी आपला शेतीमाल हा साठवण्याला पसंती दिली होती. मात्र आता त्याचा फायदा झाल्याचे दिसून येत आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एखादा खात्री करून मगच बाजरात विक्रीसाठी माल न्यावा. )

आजचे 21-2-22 सोयाबीन बाजारभाव