हॅलो कृषी ऑनलाईन: राज्यात (Maharashtra) आज सर्वदूर तुफान पावसाचा (Monsoon Update Today) अंदाज देण्यात आला असून सिंधुदुर्ग जिल्ह्याला पावसाचा रेड अलर्ट (Red Alert) देण्यात आला आहे. रत्नागिरी, सातारा, कोल्हापूर जिल्ह्यांना ऑरेंज (Orange Alert) तर उर्वरित सर्व राज्यात पावसाचा यलो अलर्ट (Yellow Alert) हवामान विभागाने (IMD) दिला आहे (Monsoon Update Today) .
अरबी समुद्रात उत्तरेत नैऋत्य मोसमी पाऊस (Monsoon) पुढे सरकला असून राज्यभर मॉन्सून सक्रिय झाला आहे. परिणामी वादळी पावसासह वि‍जांचा कडकडाट तसेच हलक्या ते मध्यम सरींचा पाऊस (Monsoon Update Today) येत्या पाच दिवसात राज्यभर राहणार आहे. कोकण, मध्य महाराष्ट्र, मराठवाडा विभागात मुसळधार कोसळण्याची शक्यता वर्तवण्यात आली आहे.
राज्यात कोकणासह मुंबईत येत्या 4 ते 5 दिवसांत वादळी वाऱ्यासह तुफान पाऊस (Heavy Rainfall Prediction) राहणार असून बहुतांश जिल्ह्यांना ऑरेंज अलर्ट देण्यात आला आहे. येत्या तीन दिवसात पुण्यासह सातारा जिल्ह्यांमध्येही जोरदार पाऊस असेल (Monsoon Update Today) .
विदर्भात हलक्या व मध्यम सरींचा पाऊस पुढील पाच दिवस राहणार असून बहुतांश ठिकाणी यलो अलर्ट देण्यात आला आहे.
दरम्यान, प्रादेशिक हवामान केंद्र मुंबईने, उत्तर कोंकण, मध्य महाराष्ट्र, मराठवाडा आणि विदर्भातील जिल्ह्यांमध्ये तुरळक ठिकाणी वि‍जांच्या कडकडाटासह वादळ, सोसाट्याचा वारा (40-50 किमी प्रति तास वेग) आणि मध्यम पाऊस पडण्याची शक्यता आहे.
कोणत्या जिल्ह्याला कोणता अलर्ट? (Monsoon Update Today)
रेड अलर्ट: सिंधुदुर्ग
ऑरेंज अलर्ट: रत्नागिरी, कोल्हापूर, सातारा
यलो अलर्ट: वरील जिल्हे वगळता उर्वरित सर्व जिल्ह्यांना यलो अलर्ट देण्यात आला आहे.
