हॅलो कृषी ऑनलाईन: दुधाळ जनावरांची (Dairy Animal Scheme) गट पुरवठा योजना ही समाजातील आर्थिक विषमता कमी करण्यासाठी आणि अनसूचित जाती, नवबौद्ध आणि जमातींना सक्षम बनवण्यासाठी, शासना मार्फत राबवली जाणारी महत्त्वपूर्ण योजना (Government Scheme) आहे. या योजनेअंतर्गत, पात्र लाभार्थ्यांना दोन दुधाळ गाई किंवा म्हशी खरेदीसाठी 75% अनुदान (75% Subsidy On Dairy Animal Purchase) दिले जाते.
योजनेचे फायदे (Dairy Animal Scheme Benefits)
- ग्रामीण भागात राहणार्‍या गरीब कुटुंबांना स्वयंरोजगाराची संधी उपलब्ध होते.
- दुधाचे उत्पादन (Milk Production) वाढून त्याद्वारे उत्पन्न वाढते.
- पशुधन विकासामुळे शेतीला पूरक व्यवसाय (Agri Business) मिळतो.
- कुटुंबाची आर्थिक स्थिती सुधारण्यास मदत होते.
योजनेसाठी पात्रता (Dairy Animal Scheme)
- अर्जदाराचे वय 18 वर्षे किंवा त्याहून अधिक असणे आवश्यक आहे.
- लाभार्थी दारिद्र्य रेषेखालील असणे आवश्यक आहे.
- 1 हेक्टरपेक्षा कमी जमीन असलेले लहान आणि अत्यंत लहान शेतकरी पात्र आहेत.
- रोजगार आणि स्वयंरोजगार केंद्रात नोंदणीकृत बेरोजगार आणि महिला बचत गटातील सदस्यांना प्राधान्य दिले जाते.
योजनेचा लाभ घेण्यासाठी प्रक्रिया
- इच्छुक लाभार्थ्यांनी जिल्हा पशुसंवर्धन कार्यालयात (District Animal Husbandry Office) अर्ज करणे आवश्यक आहे.
- अर्जासोबत आवश्यक कागदपत्रे जमा करणे आवश्यक आहे.
- जिल्हा पशुसंवर्धन उपायुक्त यांच्या अध्यक्षतेखालील समिती पात्र लाभार्थ्यांची निवड करते.
- निवड झालेल्या लाभार्थ्यांना 75% अनुदान दिले जाते.
- लाभार्थ्यांनी एका महिन्यात अनुदानाचा हिस्सा जमा करणे आवश्यक आहे किंवा बँकेचे कर्ज घेणे आवश्यक आहे.
- तालुक्यातील पशुधन विकास (Livestock Development Officer) अधिकारी दुधाळ जनावरे खरेदी करतील.
योजनेची यशस्वी अंमलबजावणी (Dairy Animal Scheme)
2023-24 मध्ये, या योजनेसाठी ₹2 कोटी 56 लाख 19 हजार रूपयांची तरतूद करण्यात आली आहे.
2022-23 मध्ये, या योजनेद्वारे 394 लाभार्थ्यांना लाभ मिळाला आहे.
जिल्हा पशुसंवर्धन अधिकारी डॉ. विष्णू गर्जे यांनी या योजनेचा लाभ घेण्यासाठी अधिकाधिक पात्र लाभार्थ्यांनी पुढे येण्याचे आवाहन केले आहे.
