हॅलो कृषी ऑनलाईन: शेती आणि (Success Story) शेतीपूरक व्यवसायात महिलांचा सहभाग (Woman In Agribusiness) लक्षणीयरीत्या वाढत आहे. महिला कृषिपूरक व्यवसायातून (Agribusiness) आत्मनिर्भर होऊन चांगले उत्पन्न सुद्धा मिळवत आहेत. आज आपण अशा महिलेबद्दल माहिती घेणार आहोत जिने जिद्दीने आणि मेहनतीने व्यवसाय यशस्वी तर केलाच शिवाय या व्यवसायातून लखपती सुद्धा बनल्या आहेत. गडचिरोली (Gadchiroli) जिल्ह्यातील घोट परिसरातील मकेपल्ली माल येथील जोशीला गुरुदास बोधलकर या महिला पशुपालकाचे यश हे इतर महिलांसाठी प्रेरणादायी (Success Story) ठरत आहे.
प्रेरणादायी प्रवास
जोशीला या मोलमजुरी करून जीवन जगायच्या. मात्र, सतत मजुरी करण्यापेक्षा काही तरी स्वत:चा व्यवसाय सुरू करावा, अशी त्यांची इच्छा होती. त्यातच त्यांना शेळी पालनाची (Goat Farming) माहिती मिळाली. गावासभोवताल असलेल्या मोकळ्या जागेत शेळ्यांना मुबलक प्रमाणात चारा आहे. त्यामुळे हा व्यवसाय कमी खर्चात अधिक उत्पन्न देऊ शकतो. ही बाब त्याच्या लक्षात आली. त्यांनी शेळीपालनाचा व्यवसाय सुरू केला (Success Story).
उमेद अभियानाचे लाभले मार्गदर्शन
मकेपल्ली माल या गावात उमेद (Umed) अभियानअंतर्गत 30 गट स्थापन करण्यात आले आहेत. उमेद अभियानांतर्गत महिलांना व्यवसाय स्थापन करण्याबाबत मार्गदर्शन केले जाते. शारदा समूहातील जोशीला गुरुदास बोधलकर या महिलेने 10 हजार रुपये बँकेचे कर्ज व समुदाय गुंतवणूक म्हणून 10 हजार रुपये कर्ज घेतले. या रकमेतून जोशीला यांनी शेळीपालन (Goat Farming) हा व्यवसाय सुरू केला. हळूहळू व्यवसायात वाढ होऊ लागली(Success Story). त्यातच महाराष्ट्र राज्य ग्रामीण जीवनोन्नती अभियानाच्या माध्यमातून गावामध्ये पशुसखी म्हणून कुंदा खुशाल सोनटक्के यांची निवड करण्यात आली.
त्यामुळे पशुसखी म्हणून त्या शेळ्यांचे लसीकरण (Goat Vaccination), पोषण व स्वच्छता याबाबत मार्गदर्शन करत आहेत. सध्या जोशीला बोधलकर यांच्याकडे 40 शेळ्या व 10 बोकडे आहेत. दरवर्षी एक ते दीड लाख रूपयांचे बकरे विकतात (Success Story). घरीच भरपूर शेळ्या असल्याने त्यांना मजुरीला जाण्याची गरज उरली नाही. या कामात त्यांना ग्रामीण जीवनोन्नती अभियानच्या प्रभाग समन्वयक सविता खोब्रागडे, तालुका अभियान व्यवस्थापक तुषार करणे पशू व्यवस्थापक प्रीती वडे, कुंदा सोनटक्के यांची मदत मिळत आहे.
जोशीला यांनी कमी गुंतवणुकीत सुरू केलेला शेळीपालन व्यवसाय आज त्यांना लाखो रुपये (Success Story) कमावून देत आहे. इतर महिलांसाठी त्यांचा हा व्यवसाय प्रेरणादायी ठरत आहे.
