हॅलो कृषी ऑनलाईन: महाराष्ट्रात परत एकदा मुसळधार पावसाचा (Maharashtra Weather Update) इशारा भारतीय हवामानशास्त्र विभागाने (IMD) जारी केला असून, मराठवाडा आणि विदर्भात याचा फटका बसण्याची शक्यता आहे. मुंबई, ठाणे आणि मराठवाडा आणि विदर्भातील अनेक जिल्ह्यांमध्ये आज वादळी वाऱ्यासह मुसळधार पावसाचा अंदाज (Heavy Rainfall Prediction) वर्तवण्यात आला आहे. सिंधुदुर्ग, पुणे, रायगड, सातारा यासह संपूर्ण कोकण प्रदेशासाठी यलो अलर्ट जारी करण्यात आला असून पर्यटकांनी विशेषत: घाट भागात राहणाऱ्या नागरिकांनी सावधगिरी बाळगावी असा सल्ला (Maharashtra Weather Update) सुद्धा देण्यात आलेला आहे.
IMD च्या ताज्या अंदाजानुसार छत्रपती संभाजीनगर, जालना, बीड, परभणी, लातूर आणि धाराशिव या जिल्ह्यांमध्ये मुसळधार पाऊस पडेल. बीड जिल्ह्यात हलक्या पावसाचा अंदाज आहे, तर विदर्भातील अकोला, अमरावती, नागपूर, बुलढाणा, चंद्रपूर आणि गडचिरोली जिल्ह्यांत पावसाचा इशारा देण्यात आला आहे (Maharashtra Weather Update).
मुंबई, उपनगरे आणि नवी मुंबईत पावसाची अपेक्षा आहे, रहिवाशांनी मुसळधार पाऊस आणि संभाव्य व्यत्ययांसाठी तयार राहण्याचा सल्ला दिला आहे.
पुढील 24 तासांमध्ये मुंबई आणि उपनगरांमध्ये ढगाळ वातावरण राहाणार असून, मधूनमधून मध्यम ते तीव्र सरी कोसळण्याची शक्यता आहे. कमाल आणि किमान तापमान अनुक्रमे 31 अंश सेल्सिअस आणि 26 अंश सेल्सिअस राहण्याची शक्यता आहे (Maharashtra Weather Update).
गेल्या आठवड्यात झालेल्या मुसळधार पावसाने धरणे भरली, पिण्याच्या पाण्याची चिंता दूर झाली, परंतु खरीप पिकांचे प्रचंड नुकसान (Kharif Crop Damage) झाले, शेतकऱ्यांकडून (Maharashtra Farmers) भरपाईची मागणी सुरू झाली.
मॉन्सूनच्या (Monsoon) सतर्कतेने शेतकऱ्यांमध्ये चिंता वाढवली आहे, जे आधीच पिकांच्या नुकसानीमुळे त्रस्त आहेत. त्यांचा त्रास कमी करण्यासाठी त्यांच्या मागण्यांना सरकार कसा प्रतिसाद देते हे महत्वाचे आहे.
