हेलो कृषी ऑनलाईन : आज (दि.12 ऑक्टोबर) कमी दाबाचा पट्टा (Weather Update) पूर्व मध्य अरबी समुद्रावर आहे. नैऋत्य मोसमी पाऊस गुजरात, झारखंड, बिहारच्या उर्वरित भागातून तसेच महाराष्ट्र, छत्तीसगडच्या आणखी काही भागातून ओडिसा, सिक्कीम, पश्चिम बंगालच्या काही भागातून पुढील दोन दिवसामध्ये परतीच्या पावसासाठी वातावरण अनुकूल आहे.
या भागात जोरदार पावसाची शक्यता (Weather Update)
आज (दि.12 ऑक्टोबर) विदर्भात बऱ्याच ठिकाणी कोकण, गोवा, मध्य महाराष्ट्रात काही ठिकाणी मराठवाड्यात तुरळक ठिकाणी तर उद्या (दि. 13 ऑक्टोबर) रोजी कोकण, गोवा, विदर्भात काही ठिकाणी मध्य महाराष्ट्र, मराठवाड्यात तुरळक ठिकाणी पाऊस पडण्याची शक्यता हवामान विभागाने वर्तविली आहे.
आज (दि. 12) धुळे, नंदुरबार, कोल्हापूर, सातारा, यवतमाळ या जिल्ह्यांमध्ये जोरदार पावसाचा (यलो अलर्ट) तर पालघर, ठाणे, रायगड, रत्नागिरी, सिंधुदुर्ग, पुणे, सांगली, नाशिक, नगर, सोलापूर, जळगाव, छत्रपती संभाजीनगर, बीड, जालना, बुलडाणा, अकोला, वाशिम, अमरावती, वर्धा, नागपूर, भंडारा, गोंदिया, चंद्रपूर, गडचिरोली या जिल्ह्यांमध्ये विजांचा कडकडाट, मेघगर्जनेसह वादळी पावसाचा (यलो अलर्ट) अंदाज आहे.
उद्या (दि.13) पालघर, ठाणे, मुंबई, रायगड, रत्नागिरी, सिंधुदुर्ग, धुळे, नाशिक, पुणे, नगर, बुलडाणा, वाशिम, चंद्रपूर, गडचिरोली या जिल्ह्यामध्ये विजांचा कडकडाट, मेघगर्जनेसह, वादळी पाऊस पडण्याची (Weather Update) शक्यता आहे.
पुणे व परिसरामध्ये पुढील दोन दिवस आकाश सामान्यतः ढगाळ राहून मेघगर्जना, विजांच्या कडकडाटात हलक्या ते मध्यम स्वरूपाच्या पावसाची शक्यता आहे.
