तुमच्या जुन्या सेविंग खात्याला करा ‘जनधन’ खात्यामध्ये कन्व्हर्ट; करा फक्त हे काम

हॅलो कृषी ऑनलाईन : तुम्ही सर्वांनी आपलं एक खाते बँकेत जरूर काढले असेल. पण तुम्ही आपल्या बँकेत जनधन खाते सुरु केले आहे का? जर तुम्ही बँकेत जनधन खाते सुरू केलं नाहीत तर तुम्ही तुमच्या जुन्या सेविंग खात्याला जनधन खाता मध्ये कन्व्हर्ट करू शकता. होय…! बरोबर आहे. तुम्हाला जनधन खात्याला जोडण्यासाठी आता नवीन खाते काढण्याची जरूरत नाही. आज आपण या लेखामध्ये आपल्या जुन्या सेविंग खात्याला जनधन खात्यामध्ये कसे रूपांतरित करायचे याबाबत माहिती करून घेणार आहोत. नागरिकांना बँकिंग सिस्टम अशी जोडण्यासाठी जनधन खाते उघडले जाते. याबरोबरच जनधन खात्याचे इतरही फायदे आहेत.

काय आहे जनधन खाते?

मोदी सरकारने 2014 मध्ये ‘जनधन’ योजनेला सुरुवात केली. या योजनेद्वारे सर्व नागरिकांना बँकिंग सिस्टम कशी जोडणे हे सरकारचे लक्ष्य होते. योजनेअंतर्गत तुम्ही देखील खाते सुरू करू शकता. आतापर्यंत जवळपास 41 करोड पेक्षा जास्त लोकांनी जनधन खाते सुरू केले आहे. विशेष म्हणजे यामध्ये 55 टक्के महिलांचा देखील सहभाग आहे.

जाणून घेऊया जुन्या सेविंग खात्याला ‘जनधन’ खात्यामध्ये कसे कन्व्हर्ट कराल

–सर्वात आधी तुमच्या जवळच्या बँकेच्या ब्रांच मध्ये जा.
— इथे तुम्हाला रूपे कार्ड (RuPay Card) घेण्यासाठी अर्ज करावा लागेल.
— त्यानंतर हा अर्ज बँकेत जमा करा.
— या फॉर्मच्या आधारे आपले खाते जनधन खात्यामध्ये कन्व्हर्ट होईल.

जन धन खात्याचे फायदे

–दोन लाखांपर्यंतचा अपघात विमा या योजनेत समाविष्ट आहे.
–यासह, 30 हजार रुपयांपर्यंतचे आजीवन संरक्षण उपलब्ध आहे, जे पात्रता अटी पूर्ण केल्यावर लाभार्थीच्या मृत्यूवर दिले जाते.
–या खात्याअंतर्गत विमा, पेन्शन उत्पादने खरेदी करणे सोपे आहे.
–खाते उघडणार्‍याला रूपे डेबिट कार्ड मिळते, ज्यामधून तो खात्यातून पैसे काढू शकतो. याशिवाय शॉपिंगही करता येते.
–शासकीय योजनांचे थेट पैसे या खात्यात येतात.
–मनी ट्रान्सफरची सुविधा देशभरातही उपलब्ध आहे.

जन धन खाते उघडण्यासाठी आवश्यक कागदपत्रे

–पासपोर्ट
–चालक परवाना
–पॅन कार्ड क्रमांक
–मतदार ओळखपत्र
–मनरेगा जॉब कार्डवर राज्य सरकारच्या अधिकाऱ्याने सही केली असेल.

जन धन खात्यासह इतर सुविधा उपलब्ध आहेत

–या खात्याअंतर्गत ठेवींवरील व्याजाची सुविधादेखील उपलब्ध आहे.
–मोफत मोबाइल बँकिंग सुविधा देखील उपलब्ध आहे.
–ओव्हरड्राफ्टद्वारे 10,000 रुपयांपर्यंतची अतिरिक्त रक्कम खात्यातून काढता येईल.
–या खात्यात किमान शिल्लक ठेवण्याची गरज नाही.
–आपल्याला चेक बुकची सुविधा हवी असल्यास आपणास किमान शिल्लक राखणे आवश्यक आहे