हॅलो कृषी ऑनलाईन : राज्यातील विदर्भ आणि उत्तर महाराष्ट्रातील भागात थंडी मध्ये वाढ झाली आहे. तसेच दिवसातील तापमानात देखील घट होताना दिसत आहे. राज्यातील काही भागांमध्ये किमान तापमान 12 अंशांच्या खाली घसरले आहे. दरम्यान राज्यात येत्या चार-पाच दिवसांत तापमानात हळूहळू वाढ होण्याची शक्यता हवामान विभागाने वर्तवली आहे. तसेच हिवाळ्याची तीव्रता देखील कमी होण्याची शक्यता आहे.
हवामान तज्ञ के एस होसाळीकर यांनी दिलेल्या माहितीनुसार महाराष्ट्र राज्यात येत्या चार-पाच दिवसात तापमानात हळूहळू वाढ होण्याची शक्यता वर्तवण्यात आली आहे. तसेच त्याची तीव्रता देखील कमी असेल अशी माहिती भारतीय हवामान विभागाने दिली असल्याची त्यांनी सांगितले आहे.
23 Dec: महाराष्ट्र राज्यात येत्या 4,5 दिवसात तापमानात क्रमश: वाढ होण्याची शक्यता… हिवाळ्याची तीव्रता कमी असेल….
– IMD
क्रिसमस (नाताळ) उबदार असण्याची शक्यता..
Season's Greetings..⛄🎅🏼 pic.twitter.com/P6N0PwERwM— K S Hosalikar (@Hosalikar_KS) December 23, 2021
दरम्यान आज सकाळी दिनांक 24 डिसेंबर रोजी नांदेड येथे 13.8 जालना येथे 13.3,सोलापूर येथे 13,परभणी 13.5,कोलाबा इथं 20,सांताक्रूझ 18.4 औरंगाबाद येथे 13.5, कोल्हापुर 16.6, पुणे येथे 12.4, रत्नागिरी येथे 17.1, डहाणू इथं 17.3, जळगाव 10.5, जेऊर 12, मालेगाव 13.2, ठाणे येथे 20.2,. उस्मानाबाद येथे 13.9, नाशिक 12, बारामती 13.3, सातारा येथे 15.2,माथेरान 16.1 आणि सांगलीत 15.2 तर महाबळेश्वर येथे 14.4 अंश सेल्सिअस तापमानाची नोंद करण्यात आली आहे.
राज्यातले किमान तापमान, २४ डिसेंबर
Nanded 13.8,Jalna 13.3,Slp 13
Parbhani 13.5,Colaba 20, Scz 18.4
A'bad 13.5,Klp 16.6,Pune 12.4,Rtn 17.1
Dahanu 17.3,Jalgaon 10.5,Jeur 12
Malegaon 13.2,Thane 20.2,0sbad 13•9
Nashik 12,Baramati 13.3,Satara 15.2
Matheran 16.6,Sangli 15.2,Mwr 14.4 pic.twitter.com/zSC5BIA2Eb— K S Hosalikar (@Hosalikar_KS) December 24, 2021
मुंबईत सकाळच्या वेळेत गारवा जाणवतो आहे. आज सकाळी दिनांक 24 डिसेंबर रोजी पुण्यात नोंदवल्या गेलेल्या तापमानानुसार शिरूर येथे सर्वात कमी 10.1 अंश सेल्सिअस तापमानाची नोंद करण्यात आली आहे. तर आज जास्तीत जास्त तापमान पुण्यामध्ये जवळपास 30 अंशांपर्यंत असेल अशी माहितीही हवामान तज्ञ केस होसाळीकर यांनी दिली आहे.