हॅलो कृषी ऑनलाईन : ज्याप्रमाणे आधार कार्ड आणि पॅन कार्ड हे भारतीय नागरिकांसाठी महत्त्वाच्या सरकारी दस्तऐवजात येतात, त्याचप्रमाणे रेशनकार्ड हेही सर्व नागरिकांसाठी महत्त्वाचे दस्तऐवज आहे. या अंतर्गत सर्व गरीब आणि गरजू लोकांना मोफत रेशनचे वाटप केले जाते. याशिवाय, भारतीय नागरिकाच्या पत्त्याच्या पुराव्यासाठी रेशन कार्ड देखील वापरले जाते, त्यामुळे प्रत्येक भारतीय नागरिकासाठी आधार कार्ड आणि पॅन कार्ड सारखे रेशन कार्ड असणे देखील आवश्यक आहे. तुमच्याकडे शिधापत्रिका नसेल तर लवकरात लवकर शिधापत्रिका मिळवा.या लेखात आम्ही तुम्हाला ऑनलाइन रेशन कार्ड बनवण्याची संपूर्ण प्रक्रिया सांगणार आहोत.
महाराष्ट्र रेशन कार्डसाठी अर्ज कसा करावा?
–सर्वप्रथम तुम्हाला अन्न आणि पुरवठा विभागाच्या अधिकृत वेबसाइटवर जावे लागेल. अधिकृत वेबसाइटला भेट दिल्यानंतर, मुख्यपृष्ठ आपल्या समोर उघडेल. ( http://mahafood.gov.in/ )
–या होम पेजवर तुम्हाला Download चा पर्याय दिसेल. तुम्हाला या पर्यायावर क्लिक करावे लागेल. ऑप्शनवर क्लिक केल्यानंतर तुमच्या समोर पुढील पेज ओपन होईल.
–या पेजवर तुम्हाला Application For New Ration Card या पर्यायावर क्लिक करावे लागेल. पर्यायावर क्लिक केल्यानंतर, तुम्हाला रेशन कार्ड अर्जाचा फॉर्म PDF उघडला जाईल.
–तुम्ही हे डाउनलोड करू शकता. अर्ज डाउनलोड केल्यानंतर, तुम्हाला अर्जामध्ये विचारलेली सर्व माहिती भरावी लागेल.
–सर्व माहिती भरल्यानंतर, तुम्हाला तुमची सर्व आवश्यक कागदपत्रे अर्जात जोडावी लागतील. यानंतर तुम्हाला तुमच्या जवळच्या अन्न पुरवठा विभागाकडे अर्ज जमा करावा लागेल.
महाराष्ट्र रेशन कार्ड यादी २०२२ ऑनलाइन कशी तपासायची?
–सर्वप्रथम तुम्हाला अन्न आणि पुरवठा विभागाच्या अधिकृत वेबसाइटवर जावे लागेल. अधिकृत वेबसाइटला भेट दिल्यानंतर, मुख्यपृष्ठ आपल्या समोर उघडेल.
( http://mahafood.gov.in/ )
–या होम पेजवर तुम्हाला ( Public Distribution System )सार्वजनिक वितरण प्रणालीचा पर्याय दिसेल. या पर्यायावर क्लिक करा.
–ऑप्शनवर क्लिक केल्यानंतर तुमच्या समोर पुढील पेज ओपन होईल, या पेजवर तुम्हाला( Ration Card)रेशन कार्डचा पर्याय दिसेल, त्यावर क्लिक करा.
–यानंतर एक नवीन पेज उघडेल.या पेजवर तुम्हाला (District wise Classification and Number of Ration Card Holder) जिल्हावार वर्गीकरण आणि शिधापत्रिकाधारकांची संख्या असा पर्याय दिसेल, या पर्यायावर क्लिक करा.
–या पर्यायावर क्लिक केल्यानंतर तुम्हाला (Ration Card List) पुढील शिधापत्रिकेची यादी मिळेल.अशा प्रकारे तुम्ही तुमचे नाव शिधापत्रिकेच्या यादीत तपासू शकता.
महत्वाची कागदपत्रे
–आधार कार्ड
–पॅन कार्ड
–उत्पन्न प्रमाणपत्र
–पासपोर्ट आकाराचा फोटो
–गॅस कनेक्शन
–मोबाईल नंबर
