सोयाबीन बाजारभाव स्थिर…पहा आजचा सोयाबीन बाजारभाव

हॅलो कृषी ऑनलाईन : यंदाच्या हंगामात अतिवृष्टीमुळे खरिपातील सोयाबीन पिकाचे मोठे नुकसान झाले. परिणामी सोयाबीनची प्रत खराब झाली. काही ठिकाणी डागाळलेले सोयाबीन पाहायला मिळत आहेत. सोयाबीनला चांगला भाव मिळेल या आशेने सोयाबीनच्या साठवणुकीकडे शेतकऱ्यांचा कल राहिला. त्यामुळे सोयाबीन बाजरात टप्प्याटप्प्याने येऊ लागली. मागील वर्षी दिवाळीनंतर सोयाबीनच्या दरात वाढ झाली ४००० वर असलेला सोयाबीन ७४०० पर्यंत पोहचला. नव्या वर्षात मात्र सोयाबीनच्या दरात स्थिरता पाहायला मिळत आहे. हे दर ६०००-६४०० रुपयांवर स्थिर आहेत. तर केवळ एखाद्या दुसऱ्या बाजार समितीत सोयाबीनला ७००० चा दर मिळतो आहे.

आजचे सोयाबीन बाजारभाव पाहता आज राज्यात सर्वाधिक भाव अमरावती कृषी उत्पन्न बाजार समितीत 7150 इतका मिळाला आहे. अमरावती कृषी उत्पन्न्न बाजार समितीत आज 4186,क्विंटल सोयाबीनची आवक झाली. त्याकरिता कमीत कमी 5750, जास्तीत जास्त 7150, सर्वसाधारण 6450 प्रति क्विंटल भाव मिळाला. त्या खालोखाल अकोला कृषी उत्पन्न बाजार समिती मध्ये 6700 इतका जास्तीत भाव मिळाला आहे.

आजचे 12-1-22 सोयाबीन बाजारभाव