सोयाबीनचे भाव पुन्हा वधारले …! शेतकऱ्यांचा निर्णय महत्वाचा ; पहा आजचे बाजारभाव

हॅलो कृषी ऑनलाईन : शेतकरी मित्रानो मागील वर्षी खरीप हंगामात सोयाबीन पिकाचे अतिवृष्टीमुळे मोठे नुकसान झाले. त्यामुळे साहजिकच उत्पादनात मोठी घट झाली. मात्र मागील काही दिवसांपासून 6 हजारांवर असलेले सोयाबीनचे दर आता वधारले आहेत. हंगामाच्या शेवटी सोयाबीनला चांगला दर मिळतो आहे. सोयाबीनच्या कमाल आणि किमान दरात देखील वाढ नोंदवण्यात आली आहे. सध्याचे बाजारभाव पाहता सोयाबीनला 7500 रुपयांपर्यंत कमाल भाव मिळत आहेत. तर 5 एप्रिल रोजी दर्यापूर कृषी उत्पन्न बाजार समितीमध्ये सोयाबीनला कमाल 7850 रुपयांचा भाव मिळाला आहे.

शेतकऱ्यांचा निर्णय महत्वाचा
रशिया – युक्रेन युद्धापूर्वी सोयाबीनच्या दरात घसरण झाली होती. काही बोटावर मोजण्याइतपत बाजार समित्यांमध्ये सोयाबीनला ७ हजारांचा कमाल भाव मिळत होता. मात्र त्यानंतर बाजारातील परिस्थिताती सुधारली असून सोयाबीनच्या कमाल दरात वाढ झालेली पाहायला मिळते आहे. मात्र काही शेतकऱ्यांनी आपला शेतमाल यापूर्वीच विकला आहे. तर काही शेतकऱ्यांनी अद्यापही चांगल्या भावाची प्रतीक्षा करीत सोयाबीनची साठवणूक केली आहे. त्यामुळे आता माल विकायचा की साठवणूक करायची ? शेतकरी काय निर्णय घेणार हे पहावे लागेल. कारण आता लवकरच उन्हाळी सोयाबीनची देखील बाजारात आवक होईल. यंदा केवळ बियाणापुरते नाही तर उत्पन्नाच्या दृष्टीकोनातून शेतकऱ्यांनी उन्हाळी सोयाबीनचा पेरा केला होता. हे सोयाबीन जोमात असून लवकरच याची आवक सुरु होणार आहे. त्यामुळे खरिपातील साठवलेले सोयाबीन शेतकऱ्यांनी आता विकले तर फायद्याचे राहणार असल्याचे व्यापाऱ्यांचे म्हणणे आहे.

आजचा बाजारभाव
आज सायंकाळी सहा वाजेपर्यंत प्राप्त झालेल्या राज्यातील विविध बाजार समित्यांमधील बाजार भावानुसार सोयाबीनला कमाल दर सात हजार 500 रुपयांचा मिळाला आहे. हा दर जालना कृषी उत्पन्न बाजार समितीमध्ये मिळाला असून आज जालना कृषी उत्पन्न बाजार समितीमध्ये 823 क्विंटल सोयाबीनचे आवक झाली. याकरिता किमान भाव 6400 कमाल भाव 7580 सर्वसाधारण भाग सात हजार एकशे पन्नास रुपये इतका मिळाला आहे. तर त्या खालोखाल वाशिम कृषी उत्पन्न बाजार समितीमध्ये कमाल सात हजार चारशे पंधरा रुपयांचा दर मिळाला आहे. उमरी कृषी उत्पन्न बाजार समितीमध्ये कमाल सात हजार 400 रुपयांचा दर मिळाला. तर लातूर कृषी उत्पन्न बाजार समितीमध्ये आजच 7350 रुपये प्रति क्‍विंटल असा दर मिळाला आहे. तर लातूर कृषी उत्पन्न बाजार समितीमध्ये पंचवीस हजार पोत्यांची आवक आज झाली आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 6-5-22 सोयाबीन बाजारभाव