हरभऱ्याला मिळतोय कमाल 6000 रुपयांचा भाव ; पहा आजचे हरभरा बाजारभाव

हॅलो कृषी ऑनलाईन : शेतकरी मित्रांनो रब्बीतील हरभरा आता काढणीच्या अवस्थेत आला आहे. त्यामुळे हळूहळू हरभरा आता बाजार समित्यांमध्ये दाखल होऊ लागला आहे. मात्र सध्याचे बाजारभाव बघता हरभऱ्याला म्हणावा तसा दर मिळत नाही. हरभरा चे सर्वसाधारण दर हे चार हजार ते पाच हजार आठशे रुपयांच्या दरम्यान आहेत. त्यामुळे काढलेला हरभरा अद्यापही साठवणुकीला शेतकरी प्राधान्य देत आहेत.

आजचा हरभरा बाजार भाव बघता आज सर्वाधिक पुणे इथं त्याचबरोबर मुंबई कृषी उत्पन्न बाजार समितीत हरभऱ्याला ६००० रुपयांचा कमाल दर मिळाला आहे. मुंबई कृषी उत्पन्न बाजार समितीमध्ये आज हरभऱ्याची अकराशे सात क्विंटल इतकी आवक झाली. याकरिता किमान भाव 5500 कमाल भाव सहा हजार रुपये ,तर सर्वसाधारण भाव पाच हजार आठशे रुपये इतका मिळाला आहे. तर पुणे कृषी उत्पन्न बाजार समितीमध्ये आज एकतीस क्विंटल हरभऱ्याचे आवक झाली. याकरिता किमान भाव 5500, कमाल सहा हजार रुपये तर सर्वसाधारण भाव 5750 इतका मिळाला आहे. सध्यातरी पहिल्या पेऱ्यातील हरभरा हा बाजारामध्ये विक्रीसाठी आणला जातोय . मात्र अद्यापही काही जणांचा हरभरा हा शेतातच असून अद्यापही त्याची काढणी प्रक्रिया झालेली नाही. त्यामुळे हळूहळू बाजारात हरभऱ्याची आवक वाढण्याची शक्यता आहे. यंदा महाराष्ट्रात हरभऱ्याचा मोठा पेरा झाला आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एखादा खात्री करून मगच बाजरात विक्रीसाठी माल न्यावा. )

आजचे 17-2-22 हरभरा बाजारभाव