सोयाबीनच्या दरात वाढ…! हंगाम संपताना शेतकऱ्यांचा निर्णय महत्वाचा

हॅलो कृषी ऑनलाईन : शेतकरी मित्रांनो सध्या सोयाबीनचे बाजार भाव राहता सोयाबीनला चांगला भाव मिळत आहे. राज्यातल्या अनेक बाजार समित्यांमध्ये सोयाबीनला कमाल भाव सात हजार चारशे रुपये मिळाला आहे. सुरुवातीपासूनच सोयाबीन उत्पादक शेतकऱ्यांना सोयाबीनला चांगला भाव मिळावा अशी अपेक्षा होती. आता हंगामाच्या शेवटी देखील सोयाबीनचे भाव स्थिर आहेत.

आज दिनांक 26 मार्च रोजी सायंकाळी सहा वाजेपर्यंत प्राप्त झालेल्या राज्यातील विविध बाजार समित्यांमधील बाजार भावानुसार सोयाबीनला सर्वाधिक कमाल 7510 रुपयांचा भाव मिळाला. हा भाव हिंगणघाट कृषी उत्पन्न बाजार समिती इथं पिवळ्या सोयाबीनला मिळाला असून हिंगणघाट कृषी उत्पन्न बाजार समिती मध्ये पिवळ्या सोयाबीनची पंधराशे 47 क्विंटल आवक झाली. याकरिता किमान भाव 6600 कमाल भाव 7510 आणि सर्वसाधारण भाव सात हजार पंधरा रुपये का मिळाला आहे. त्याखालोखाल देवणी कृषी उत्पन्न बाजार समितीमध्ये सात हजार 500 रुपयांचा भाव मिळाला. गंगाखेड ,जालना आणि वडूज कृषी उत्पन्न बाजार समितीमध्ये सात हजार 400 रुपयांचा कमाल भाव मिळाला आहे.

दिनांक 25 मार्च रोजी मिळालेल्या बाजारभावाच्या तुलनेत आज दिनांक 26 मार्च रोजी मिळालेले भाव हे अधिक आहेत. सध्याचे सोयाबीन बाजार भाव बघता हे बाजार भाव सात हजारांवर स्थिरावलेले दिसत आहेत. त्यामुळे त्याच दरात विक्री करावी की अजून वाढीव दराची वाट पहावी या संभ्रमात सध्या शेतकरी राजा आहे. त्यामुळे अजूनही बऱ्याच शेतकऱ्यांनी सोयाबीन साठवणुकीचा निर्णय घेतला आहे. आता खरिपाची लगबग लवकरच सुरू होईल असं असताना शेतकऱ्यांनी वाढीव दरासाठी काय पण अशी भूमिका घेतली आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे सोयाबीन बाजारभाव