आठवड्याच्या पहिल्या दिवशी राज्यातील बाजार समित्यांध्ये किती मिळाला हरभऱ्याला भाव ? जाणून घ्या

हॅलो कृषी ऑनलाईन : शेतकरी मित्रानो आज आठवड्याच्या पहिल्या दिवशी राज्यातील हरभरा बाजार भावात थोडी फार सुधारणा झालेली पाहायला मिळत आहेत. शेतकरी मित्रांनो आज हरभऱ्याला सर्वाधिक भाव हा सात हजार 651 रुपयांचा मिळाला आहे. हा कमाल भाव दोंडाईचा कृषी उत्पन्न बाजार समिती येथे मिळाला असून आज दोंडाईचा कृषी उत्पन्न बाजार समितीमध्ये अकराशे 63 क्विंटल हरभऱ्याची आवक झाली. याकरिता किमान भाव चार हजार कमाल भाव सात हजार 651 तर सर्वसाधारण भाव 6851 रुपये इतका मिळाला आहे. तर धरणगाव कृषी उत्पन्न बाजार समितीमध्ये हायब्रीड हरभऱ्याला 6360 रुपयांचा कमाल भाव मिळाल्यास त्या खालोखाल जालना कृषी उत्पन्न बाजार समितीमध्ये काबुली चण्याला सहा हजार 199 रुपयांचा भाव मिळाला. तर जालना कृषी उत्पन्न बाजार समिती मध्ये लोकल हरभऱ्याची 3980 क्विंटल इतकी आवक झाली असून याकरिता कमाल भाव पाच हजार 499 रुपये इतका मिळाला आहे. त्याबरोबरच मुंबई कृषी उत्पन्न बाजार समितीमध्ये लोकल हरभऱ्याला पाच हजार 700 रुपयांचा कमाल भाव मिळाला आहे. तरी इतर कृषी उत्पन्न बाजार समितीमध्ये हरभऱ्याच्या भाव हा पाच हजार रुपयांच्या आतच आहे. सध्याचे बाजार भाव बघता हायब्रीड आणि काबुली चणाला चांगले दर मिळत आहेत. तर काही पुणे-मुंबईसारख्या बाजार समित्यांमध्ये पाच हजार आणि त्याहून अधिक कमाल भाव मिळताना दिसतो आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचा 4-4-22 हरभरा बाजारभाव