लोकल चणा पोहचला कमाल 5700 रुपयांवर ; पहा आजचा हरभरा बाजारभाव

हॅलो कृषी ऑनलाईन : शेतकरी मित्रांनो यंदा हरभऱ्याचा मोठा पेरा राज्यामध्ये झाला आहे. मात्र म्हणावा तसा दर सद्या राज्यामध्ये हरभऱ्याला मिळताना दिसून येत नाही. सोयाबीन, कापूस यासारख्या पिकांप्रमाणे हरभऱ्यालाही चांगला दर मिळावा अशी शेतकऱ्यांची अपेक्षा आहे. दरम्यान आजचे बाजार भाव बघता हरभऱ्याला कमाल पाच हजार 700 रुपयांचा दर मिळालेला दिसून येत आहे. हरभऱ्याचे दर काही बाजार समित्यांमध्ये वाढलेले दिसून येत आहेत मात्र काही बाजार समित्यांमध्ये हरभऱ्याचे दर हे पाच हजार रुपयांच्या आत असल्याचे दिसून येत आहे. नाफेडवर हरभऱ्याला ५२३० रुपये दर प्रति क्विंटलला निश्चित करण्यात आला आहे. त्यातुलनेत खुल्या बाजारात दर मी मिळत असले तरी हळूहळू काही बाजार समित्यांमध्ये सुधारणा होताना दिसत आहे. ही बाब शेतकऱ्यांसाठी दिलासादायक मानावी लागेल.

आज सायंकाळी पाच वाजेपर्यंत प्राप्त झालेल्या राज्यातील विविध बाजार समित्यांमधील बाजार भावानुसार आज पुणे आणि मुंबई कृषी उत्पन्न बाजार समिती इथं हरभऱ्याला कमाल दर पाच हजार 700 रुपये इतका मिळाला आहे. तर कल्याण कृषी उत्पन्न बाजार समितीमध्ये हायब्रीड हरभरा ला सहा हजार 800 रुपयांचा दर मिळाला. तर धरणगाव कृषी उत्पन्न बाजार समितीमध्ये हायब्रीड चण्याला सहा हजार 795 रुपयांचा कमाल भाव मिळाला आहे. जळगाव कृषी उत्पन्न बाजार समितीमध्ये काबुली चणाला 7750 रुपयांचा कमाल भाव मिळाला. आज जळगाव कृषी उत्पन्न बाजार समितीमध्ये काबुली चण्याची केवळ 11 क्विंटल इतकी आवक झाली याकरिता किमान भाव 6500, कमाल भाव 7750 आणि सर्वसाधारण भाव सहा हजार पाचशे रुपये इतका मिळाला आहे. तर इतर कृषी उत्पन्न बाजार समित्यांमध्ये सोयाबीनचे सर्वसाधारण आणि कमाल भाव हे पाच हजार रुपयांच्या आतच असल्याचे दिसून येत आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे हरभरा बाजारभाव