सरकारने कापसावरील आयात शुल्क हटवले ; बघा राज्यातल्या कापूस दरावर काय झाला परिणाम ? पहा बाजारभाव

हॅलो कृषी ऑनलाईन : शेतकरी मित्रानो हंगामात कोणत्या शेतमालाला सर्वाधिक चांगला दर मिळाला आहे तर तो कापसाला मिळाला आहे. या हंगामात कापसाने रेकॉर्डब्रेक दर मिळवला. कापसाचे कमाल दर राज्यात १३ हजार रुपयांपर्यंत राहिले. मात्र आता केंद्र सरकारने कापसावरील आयात शुल्क हटवण्याचा निर्णय घेतला आहे. हा निर्णय व्यापाऱ्यांच्या दृष्टीने जरी चांगला असला तरी त्याचा शेतकऱ्यांवर काय परिणाम होईल ? याबाबत शेतकरी चिंतेत आहेत.

अशातच सध्याचे राज्यातील बाजारभाव पाहता सरकारच्या या निर्णयाचा अद्यापतरी बाजारभावावर काही परिणाम झालेला दिसून येत नाही कारण मागील २ -३ दिवसांचे राज्यातील कापूस बाजारभाव बघता कापसाला राज्यात कमाल भाव १२५०० रुपयांपर्यंत मिळत आहे. दिनांक 13 एप्रिल रोजी हिंगणघाट कृषी उत्पन्न बाजार समिती मध्ये कापसाला कमाल बारा हजार पाचशे पन्नास रुपयांचा कमाल भाव मिळाला. दिनांक 15 रोजी कापसाला 12 हजार 500 रुपयांचा कमाल भाव हिंगणघाट कृषी उत्पन्न बाजार समितीमध्ये मध्यम स्टेपल कापसासाठी मिळाला तर आज दिनांक सोळा एप्रिल रोजी हिंगणघाट कृषी उत्पन्न बाजार समितीमध्ये कमाल भाव कापसाला 12 हजार 500 रुपये प्रति क्विंटल साठी मिळाला आहे. हा भाव मध्यम स्टेपल कापसासाठी मिळाला आहे. त्यामुळे सध्या तरी कापसाच्या दरावर कोणताही फरक पडलेला दिसून येत नाही. मात्र भविष्यात कापूस दरावर परिणाम होण्याची शक्यता तज्ज्ञांकडून व्यक्त केली जात आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

ताजे कापूस बाजारभाव