आज ‘या’ बाजार समितीत देशी हरभऱ्याला मिळाला 5901 रुपयांचा कमाल भाव ; पहा बाजारभाव

हॅलो कृषी ऑनलाईन : शेतकरी मित्रांनो सध्याचे हरभऱ्याचे बाजार भाव बघता हरभऱ्याचे आवक चांगली होती आहे. मात्र म्हणावा तसा दर हा लाल किंवा लोकल हरभऱ्याला, देशी हरभराला मिळत नाहीये. काबुली हरभऱ्याला मात्र राज्यामध्ये चांगला भाव मिळतो आहे. पुणे, मुंबई अशा कृषी उत्पन्न बाजार समितीमध्ये मात्र हरभऱ्याचा भाव हा कमाल पाच हजार रुपयांच्यावर पोहोचला आहे. मात्र राज्यातील इतर भागातील बाजार समित्यांमधील बाजार भाव बघता कमाल भाव हा पाच हजार रुपयांच्या आतच आहे.

दरम्यान आज सायंकाळी प्राप्त झालेल्या बाजार समित्यांमधील बाजारभावानुसार आज लासलगाव निफाड येथील हरभऱ्याला कमाल पाच हजार 901 रुपयांचा भाव मिळाला. त्या खालोखाल पुणे कृषी उत्पन्न बाजार समितीमध्ये कमाल पाच हजार आठशे रुपये तर मुंबई कृषी उत्पन्न बाजार समितीमध्ये कमाल पाच हजार 700 रुपयांचा भाव मिळाला आहे. यावल कृषी उत्पन्न बाजार समितीमध्ये कमाल पाच हजार 120 रुपये असा कमाल दर मिळालेला आहे.

लासलगाव निफाड कृषी उत्पन्न बाजार समितीमध्ये आज लोकल हरभऱ्याची दहा क्विंटल इतकी आवक झाली. याकरिता किमान भाव चार हजार 357 कमाल भाव पाच हजार 901 रुपये आणि सर्वसाधारण भाव पाच हजार 600 रुपये इतका मिळाला आहे. तर राज्यात काबुली चणा ला चांगला भाव मिळत असून आज अकोला कृषी उत्पन्न बाजार समितीमध्ये काबुली चण्याची 13 क्विंटल इतकी आवक झाली. याकरिता किमान भाव सात हजार 175, कमाल भाव आठ हजार चारशे दहा आणि सर्वसाधारण भाव सात हजार 792 इतका मिळाला. शिवाय जालना कृषी उत्पन्न बाजार समितीमध्ये कमाल सात हजार 500 रुपयांचा भाव काबुली चणा याला मिळाला आहे

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे हरभरा बाजारभाव