आज सोयाबीनच्या कमाल दरात घसरण , पहा आज किती मिळाला भाव

हॅलो कृषी ऑनलाईन : शेतकरी मित्रांनो , सोयाबीन हंगाम अंतिम टप्प्यात असताना सोयाबीनला ७ हजार हुन अधिक कमाल भाव मिळतो आहे. त्यामुळे सोयाबीन उत्पादक शेतकऱ्यांमध्ये समाधान आहे. मात्र आजचे दर पाहता सोयाबीनच्या कमाल भावात घट झाल्याचे दिसून येत आहे. काल दिनांक २९ एप्रिल रोजी सोयाबीनला कमाल भाव ७५०० रुपये मिळाला होता. मात्र आजचे कमाल भाव पाहता त्यामध्ये घट झाल्याचे दिसून येत आहे.

दरम्यान, आज सायंकाळी पाच वाजेपर्यंत प्राप्त झालेल्या राज्यातील विविध बाजार समित्यांमधील बाजार भावानुसार सोयाबीनला आज कमाल 7350 रुपयांचा भाव मिळाला आहे हा भाव अकोला कृषी उत्पन्न बाजार समितीमध्ये मिळाला असून आज अकोला कृषी उत्पन्न बाजार समितीमध्ये 1083 क्विंटल सोयाबीनची आवक झाली. याकरिता किमान भाव 5900, कमाल भाव 7350 आणि सर्वसाधारण भाव सहा हजार आठशे पन्नास रुपये इतका मिळाला आहे. तर चिखली कृषी उत्पन्न बाजार समितीमध्ये कमाल 7125 इतका भाव सोयाबीन ला मिळाला. त्या खालोखाल गंगाखेड कृषी उत्पन्न बाजार समितीमध्ये सात हजार शंभर रुपयांचा कमाल भाव मिळाला. सेनगाव कृषी उत्पन्न बाजार समितीमध्ये कमाल सात हजार रुपयांचा भाव मिळाला. गोड पिंपरी कृषी उत्पन्न बाजार समितीमध्ये सात हजार पन्नास रुपयांचा कमाल भाव सोयाबीन ला मिळाला आहे. अहमदनगर कृषी उत्पन्न बाजार समितीमध्ये सोयाबीन सात हजार शंभर रुपयांचा कमाल भाव मिळाला. मात्र इतर कृषी उत्पन्न बाजार समित्यांमध्ये सोयाबीनचा भाव बघता हे भाव सात हजार रुपयांच्या आतच आहेत. सोयाबीनचे सर्वसाधारण दर पाहिले असता हे दर सात हजार रुपयांपर्यंत आहेत. दरम्यान मागच्या चार दिवसांमध्ये सोयाबीन ला चांगला दर मिळत होता हा दर सात हजार पाचशे रुपये ते सात हजार 600 रुपये कमाल होता मात्र आता सोयाबीनचे दर घसरल्याचे पाहायला मिळत आहेत.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 30-4-22 सोयाबीन बाजारभाव