Tur Bajar Bhav: बाजार समितीमध्ये तूर खातेय भाव; कमी आवक असल्याचा परिणाम!

हॅलो कृषी ऑनलाईन: राज्यात सध्या तुरीची (Tur Bajar Bhav) आवक मंदावली असून बहुतांश बाजार समितीमध्ये (Bajar Samiti) तुरीला क्विंटलमागे 10 ते 12 हजार रूपयांचा भाव मिळत आहे. इतर शेतमालाला मिळणाऱ्या भावापेक्षा तुरीला चांगला भाव (Tur Market Rate) मिळत असल्याचे पणन विभागाच्या (Marketing Department) माहितीवरून दिसून येत आहे. दरम्यान आज राज्यात 6777 क्विंटल तुरीची (Tur Bajar Bhav) आवक झाली.

आज लाल तुरीसह (Red Tur) पांढरी, गज्जर तूर बाजारपेठेत विक्रीकरता दाखल झाली होती. यावेळी क्विंटलमागे शेतकऱ्यांना 10,000 ते 12100 रूपयांचा भाव मिळत आहे. आज लातूर मध्ये तुरीला (Tur) सकाळच्या सत्रात 11950 रूपयांचा दर मिळाला. तर नागपूर, परभणी, धाराशिवमध्येही क्विंटलमागे मिळणारा दर (Tur Bajar Bhav) 11 हजारांहून अधिक होता.

राज्यात सर्वाधिक आवक नागपूर बाजार समितीत (Nagpur Bajar Samiti) झाली. 566 क्विंटलची आवक झाली असून क्विंटलमागे 11 हजार 850 रूपयांचा सर्वसाधारण भाव मिळाला. लाल तुरीला बहुतांश ठिकाणी चांगला बाजारभाव मिळत असल्याचे दिसून येत आहे.

कुठल्या बाजारसमितीत तुरीला काय बाजारभाव मिळतोय? (Tur Bajar Bhav)