हॅलो कृषी ऑनलाईन : शेतकरी मित्रांनो सध्या थंडीचे वातावरण आहे. काही पिकांना ही थंडी पोषक आहे मात्र काही फळपिकांना जास्त थंडीमुळे फटका बसतो. अशामधीलच एक पीक आहे केळीचे पीक. जास्त प्रमाणात थंडी मुळे केळीच्या बागांना फटका बसतो आहे. अशाने केळीच्या झाडांचा रंग बदलतो आहे. असे झाले की समजा सावधानता बाळगली पाहिजे. अशावेळी काय काळजी घ्यायची याबाबतची माहिती कृषी तज्ञांनी दिली आहे. याबाबत अखिल भारतीय संशोधन प्रकल्पाचे प्रमुख डॉ. राजेंद्र प्रसाद यांनी महत्वाचा सल्ला दिला आहे.
हिवाळ्यात केळी बागावर काय होतात परिणाम ?
–10 अंश सेल्सिअसच्या कमी तापमानाची नोंद होताच केळीची नैसर्गिक वाढ थांबते.
–पाने पिवळी पडतात आणि गंभीर परिस्थितीत ऊती मारायला लागतात.
–बागा सर्वसामान्य दिसत असल्या तरी अधिकच्या गारव्यामुळे केळीच्या घडाची वाढ खुंटलेली असते.
–केळीच्या घडाचा आकार वाढलेला दिसतो पण आतमधून तो भाग पोखरला जाऊ शकतो. याला घसा खडू असे म्हणतात. त्यामुळे कधीकधी घड परिपक्व होण्यास 5-6 महिने लागतात. त्यामुळे पाहिजे त्या प्रमाणात घडाची वाढ होत नाही.
काय घ्याल काळजी ?
शक्यतो या थंडीच्या काळात फुल लागवड होऊच नये. कारण हिवाळ्यात कडाक्याच्या थंडीमुळे किंवा कधीकधी गुच्छ आभासी खोडातून योग्य प्रकारे बाहेर येत नाही म्हणून गुच्छाची वाढ चांगली नाही. टिश्यू कल्चरपासून तयार केलेले केळीतील फूल 9 व्या महिन्यात लागतात तर साकरने लावलेल्या केळीतील घड 10 व्या किंवा 11 व्या महिन्यात येतो.
सिंचनाची योग्य पध्दत
–सर्वात महत्वाचे म्हणजे केळीच्या बागेसाठी नियमित पाण्याची आवश्यकता असते.
–पाणी वर्षभर दरमहा किमान १० सेंमी इष्टतम स्वरूपात वितरित करावे लागते.
–केळीच्या शेताची माती हिवाळ्यात नेहमीच ओलसर असणे आवश्यक आहे. त्यामुळे हिवाळा सुरु होण्यापूर्वी केळीच्या बागेत हलक्या प्रकारची मशागत करणे गरजेचे आहे.
–यामध्ये लहान ट्रक्टरच्या सहायाने नांगरण करुन घ्यावी तसेच रोगराईचा प्रादुर्भाव होताच खताची मात्रा देणे गरजेचे आहे.
–त्यामुळे रोगराईचे प्रमाण कमी होणार आहे. इतर हंगामात नाही पण थंडीमध्ये केळीच्या बागांची विशेष काळजी हाच यावरील पर्याय आहे.
