जे कापसाचे झाले ते सोयाबीनच्या बाबतीत होईल का ? पहा आज काय आहे सोयाबीनचा राज्यातला दर …

हॅलो कृषी ऑनलाईन : शेतकऱ्यांना सोयाबीनसाठी ज्या दराची अपेक्षा होती तो दर सध्या कापूस पिकाला मिळतो आहे. त्यामुळे कापूस उत्पादक शेतकऱ्यांमध्ये आनंदाचे वातावरण आहे. अद्यापही सोयाबीनच्या दरात वाढ होईल अशी आशा सोयाबीन उत्पादक शेतकऱ्यांना लागून आहे. सोयाबीनचे राज्यातील सर्वसाधारण दर पाहता ६०००-६४०० वर स्थिर आहेत. त्यामुळे एकूणच सोयाबीन आणि कापूस बाजारात शेतकऱ्यांची गर्दी पहायला मिळत आहे.

आजचे सोयाबीन बाजारभाव पाहता अंजनगाव सुर्जी येथे सोयाबीनला जास्तीत जास्त ७२०० प्रति क्विंटल इतका भाव मिळाला आहे. आज अंजनगाव सुर्जी येथे ऐकूण ७२ क्विंटल सोयाबीनची आवक झाली. येथे कमीत कमी ५०००,जास्तीत जास्त ७२०० तर सर्वसाधारण ५८५० प्रति क्विंटल इतका दर मिळाला आहे. त्याखालोखाल वाशीम कृषी उत्पन्न बाजारसमितीत जास्तीत जास्त ७१०० प्रति क्विंटल इतका भाव मिळाला आहे. तर संध्याकाळी ४.२४ वाजता मिळालेल्या बाजारभावानुसार आज ६१९७ क्विंटल इतकी सर्वाधिक आवक लातूर कृषी उत्पन्न बाजार समितीमध्ये झाली आहे. तर लातूर कृषी उत्पन्न बाजार समितीत जास्तीत जास्त दर ६४९९ इतका मिळाला.

जे कापसाचे झाले ते सोयाबीनचे होईल का ?

यंदाच्या वर्षी कापसाला चांगला दर मिळाला. मागील आठवड्यापर्यंत ७ हजारांवर असलेले कापसाचे दर १० हजारावर पोहचले. असेच सोयाबीनच्या दराबाबत होण्याची अपेक्षा सोयाबीन उत्पादक शेतकऱ्यांना लागली आहे. मात्र तसे होईल का? हाच मोठा प्रश्न आहे. अद्यापही चांगलं दर मिळण्याच्या अपेक्षेने शेतकरी सोयाबीनची साठवणूक करून आहेत. लवकरच उन्हाळी सोयाबीनची आवक देखील बाजारात वाढेल. आता दर वाढले म्हणून अचानक आवक वाढली तर त्याचे परिणाम या दोन्ही पिकांच्या दरावरच होणार आहेत. त्यामुळे शेतकऱ्यांनी शेतीमालाची विक्री करावी पण टप्प्याटप्प्याने असा सल्ला कृषितज्ञ देत आहेत. त्यामुळे शेतकऱ्यांकडे मालही राहणार आहे तर मागणीनुसार त्याची विक्री करण्याचा पर्यायही खुला राहणार आहे.

आजचे 05/01/2022 सोयाबीन बाजारभाव

सोयाबीन बाजारभाव 4/०१/२०२२