कापसाच्या दरात सुधारणा…! आज कमाल दर 10,235 वर; पहा आजचे कापूस बाजारभाव

हॅलो कृषी ऑनलाईन : मागच्या दोन दिवसात कापसाच्या दरात घसरण झाली होती. हे दर १०० ते २०० रुपयांनी उतरले होते मात्र आजचे बाजारभाव हे अत्यंत समाधानकारक आहेत. आज कापसाच्या दराने पुन्हा उसळी घेतली आहे. आज कापसाचे जास्तीत जास्त दर 10,235वर पोहचले आहेत. कापूस उत्पादक शेतकऱ्यांसाठी ही आनंदवार्ता आहे.

आजचे बाजार भाव पाहता आज सर्वाधिक बाजार भाव हा पुलगाव कृषी उत्पन्न बाजार समितीत 10,235 इतका मिळाला आहे. पुलगाव कृषी उत्पन्न बाजार समितीमध्ये मध्यम स्टेपल कापसाची सतराशे क्विंटल इतकी आवक झाली. याकरिता कमीत कमी 9000 जास्तीत जास्त 10 हजार 235 आणि सर्वसाधारणपणे नऊ हजार सातशे रुपये इतका भाव मिळाला. त्याखालोखाल सिंधी सेलू इथं लांब स्टेपल कापसाची 1171 क्विंटल इतकी आवक झाली आहे. त्याकरिता कमीत कमी नऊ हजार पाचशे रुपये जास्तीत जास्त दहा हजार दोनशे तर सर्वसाधारण दर हा 9890 इतका मिळाला. आज सर्वाधिक आवक ही पुलगाव कृषी उत्पन्न बाजार समिती येथे झाल्याचे दिसून येत आहे ही आवक सतराशे क्विंटल इतकी आहे.

आजचे एकूण बाजार भाव पाहता सर्वसाधारण दर हा नऊ हजार दोनशे ते नऊ हजार सातशे रुपये दरम्यान आहे. बुधवारचे कापुस बाजार भाव बघता एकाही कृषी उत्पन्न बाजार समितीमध्ये दहा हजार इतका बाजार भाव मिळालेला नव्हता. हे बाजार भाव जास्तीत जास्त 9900 पर्यंतच होते मात्र आज पुन्हा कापूस बाजाराने उसळी घेतलेली दिसत आहे हे बाजार भाव दहा हजार 200 पर्यंत येऊन पोहोचले आहेत.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एखादा खात्री करून मगच बाजरात विक्रीसाठी माल न्यावा. )

आजचे 13-1-22 कापूस बाजारभाव