कांद्याची आवक चांगली, दर मात्र रड्याच…! पहा आजचा कांदा बाजारभाव

हॅलो कृषी ऑनलाईन : शेतकरी कांद्याचे उत्पादन नगदी पीक म्हणून घेतात. मात्र यंदाच्या वर्षी आस्मानी संकटामुळे कांदा उत्पादक शेतकरी संकटात सापडला आहे. सध्याचा कांदा बाजार पाहता कांद्याची चांगली आवक बाजार समित्यांमध्ये होताना दिसत आहे. पण दर मात्र शेतकऱ्यांना निराश करणारे आहेत. सध्याचे बाजारभाव पाहता कांदा दर सर्वसाधारण पणे १०००-३००० प्रति क्विंटल आहेत. कांद्याला सध्या कमीत कमी १०० ते जास्तीत जास्त ३४०० पर्यंत आहेत. कांद्याला ४००० हुन अधिक प्रति क्विंटल भाव मिळावा अशी अपेक्षा शेतकऱ्यांना आहेत.

आजचे बाजारभाव पाहता आज (१७ ) सांगली फळे भाजीपाला मार्केट येथे सर्वाधिक ३४०० इतका दर प्रति क्विंटल कांद्याला मिळाला आहे. आज सांगली फळ भाजीपाला मार्केट येथे कांद्याची ४१५७ क्विंटल इतकी आवक झाली. याकरिता कमीत कमी दर ५०० रुपये, जास्तीत जास्त दर ३४०० तर सर्वसाधारण दर १९५० रुपये इतका मिळाला आहे. मात्र सर्वाधिक आवक ही सोलापूर कृषी उत्पन्न बाजार समितीत दिसून येत आहे. आज सोलापुरात ५२,४४० क्विंटल इतकी आवक सोलापूर मार्केट मध्ये झाली आहे. सोलापुरात कमाल ३२५०, मुंबई कांदा -बटाटा मार्केट, सातारा ,कराड या मार्केट मध्ये कमाल ३००० रुपये प्रतिक्विंटल इतका भाव मिळाला आहे.

सोलापूर मार्केटमध्ये कांद्याची मोठी आवक

खरेतर आशियातील सर्वात मोठी कांदा बाजारपेठ म्हणून लासलगाव कृषी उत्पन्न बाजारसमिती ओळखली जाते. इथे कांद्याची सर्वात मोठी उलाढाल होते असे मानले जाते मात्र मागचे काही दिवस बघता सोलापूर बाजार समितीमध्ये कांद्याची चांगली आवक होताना दिसत आहे. विशेष म्हणजे ही आवक लासलगाव बाजरसमितींहून अधिक दिसते आहे. यापूर्वी विक्रमी १ लाख इतकी कांद्याची आवक झाली होती. सध्या देखील सोलापूर बाजार समितीत पन्नास हजाराहून अधिक क्विंटल इतकी आवक होत आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एखादा खात्री करून मगच बाजरात विक्रीसाठी माल न्यावा. )

आजचे 17-1-22 कांदा बाजारभाव