हरभऱ्याच्या कमाल दरात वाढ ; पहा आजचे बाजारभाव

हॅलो कृषी ऑनलाईन : शेतकरी मित्रानो , एप्रिल महिन्याच्या पहिल्या दिवशी राज्यातील हरभरा बाजारात दिलासा देणारे दर पाहायला मिळत आहेत. आजचे बाजारभाव पाहिले असता आज ५ बाजार समित्यांमध्ये पाच हजारहून अधिक कमाल भाव हरभऱ्याला मिळाला आहे. सध्या नाफेडवर हरभऱ्याला ५२३० रुपयांचा भाव मिळत आहे. तर खुल्या बाजारातील सर्वसाधारण दर हे पाच हजार रुपयांच्या आताच आहेत. खुल्या बाजारात हरभऱ्याचे दर वाढावेत आणि हरभऱ्याला चांगला दर मिळावा अशी शेतकऱ्यांना आशा आहे.

आज सायंकाळी सहा वाजता प्राप्त झालेल्या राज्यातील विविध बाजार समित्यांमधील बाजार भावानुसार आज सर्वाधिक जालना कृषी उत्पन्न बाजार समितीमध्ये काबुली चणा ला 8500 रुपयांचा भाव मिळाला. आज जालना कृषी उत्पन्न बाजार समितीमध्ये काबुली चण्याची 35 क्विंटल आवक झाली. याकरिता किमान भाव सहा हजार 100 कमाल भाव 8500 आणि सर्वसाधारण भावदेखील आठ हजार पाचशे रुपये इतका मिळाला आहे. त्याखालोखाल हायब्रीड चण्याला कमाल सहा हजार रुपयांचा भाव मिळाला हा भाव कल्याण कृषी उत्पन्न बाजार समिती येथे मिळाला आहे. तर पुणे कृषी उत्पन्न बाजार समितीमध्ये आज हरभरा ला पाच हजार 700 रुपयांचा कमाल भाव मिळाला. त्याखालोखाल जळगाव कृषी उत्पन्न बाजार समितीमध्ये पाच हजार दोनशे तीस रुपये, मुंबई कृषी उत्पन्न बाजार समितीमध्ये पाच हजार 700 रुपये, मंगळुरपीर कृषी उत्पन्न बाजार समितीमध्ये पाच हजार 230 रुपये असे कमाल भाव मिळाले आहेत. तर इतर कृषी उत्पन्न बाजार समितीमध्ये कमाल आणि सर्वसाधारण दर हे पाच हजार रुपयांच्या आतच आहे. दरम्यान पुणे कृषी उत्पन्न बाजार समितीमध्ये 31 मार्च रोजी हरभऱ्याला कमाल भाव 5900 रुपयांचा मिळालेला होता. मात्र आज दोनशे रुपयांनी भाव घसरून कमाल भाव आज पाच हजार 700 रुपये इतका मिळाला आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 1-4-22 हरभरा बाजारभाव