कांद्याची विक्री झाली मात्र मोबदला मिळाला नाही ;सोलापुरात व्यापाऱ्यांवर कारवाई

हॅलो कृषी ऑनलाईन : कांद्याची मोठी आवक आणि मिळणारा चांगला भाव म्हणून सोलापूर कृषी उत्पन्न बाजार समितीचे नाव आतापर्यंत गाजत होतं मात्र सध्या कांद्याचे दर पाहता हे दर उतरलेले पाहायला मिळतायत. मात्र कांदा उत्पादक शेतकऱ्यांची फसवणूक झाल्याची माहिती मिळत आहे.

परवाना नसतानाही व्यापाऱ्यांनी शेतकऱ्यांचा कांदा खरेदी केला पण वेळेत मोबदला दिला नाही. शेतकऱ्यांना त्यांच्या कष्टाचे पैसे मिळाले नाहीत याबाबतच्या तक्रारी शेतकऱ्यांनी सोलापूर बाजार समिती प्रशासनाकडे दाखल केल्या होत्या मात्र बाजार समितीकडून कारवाई करण्याचा निर्णय घेतला आहे. शेतकऱ्यांना त्यांच्या शेतीमालाचे वेळेत पैसे अदा करणे ही व्यापाऱ्यांची खरी जबाबदारी आहे.

सोलापुरातील श्री सिद्धेश्वर कृषी उत्पन्न बाजार समितीमध्ये मागच्या तीन महिन्यांपासून कांद्याची विक्रमी आवक होत आहे मात्र वजन काटा झाल्यानंतर शेतकऱ्यांना लागलीच रोख रक्कम नव्हे तर धनादेश दिला जातोय. हा धनादेश शेतकरी बँकांमध्ये घेऊन गेल्यानंतर संबंधित खात्यावर पैसे नसल्याचं समोर आलं होतं त्यानुसार सोलापूर कृषी उत्पन्न प्रशासनाकडे तक्रारी दाखल झाल्या आहेत. प्रशासक मंडळांच्या बैठकीमध्ये संबंधित व्यापाऱ्यांवर कारवाई करण्याचा निर्णय घेण्यात आला आहे.

काय आहेत आजचे 23-3-22 कांदा बाजारभाव ?