हॅलो कृषी ऑनलाईन : उडीद हे कडधान्य पिकांपैकी एक आहे. हे असे पीक आहे, ज्यामध्ये पोषक तत्वांचा मोठा साठा आहे. उडीद डाळ आणि मसूरापासून बनवलेल्या अनेक पदार्थांच्या रूपात सेवन केले जाते. यामध्ये प्रथिने, पोटॅशियम, कॅल्शियम, लोह, नियासिन, थायामिन आणि रिबोफ्लेविन भरपूर प्रमाणात असते.उडीद पीक ७० ते ७५ दिवसांत पक्व होण्यास तयार होते, त्यामुळे उडीद लागवडीतून शेतकऱ्यांना कमी वेळेत चांगला व दुप्पट नफा मिळतो. शेतकऱ्यांचे उत्पन्न वाढवण्यासाठी कृषी शास्त्रज्ञांनी उडीद लागवडीशी संबंधित काही गोष्टी सांगितल्या आहेत. चला तर मग त्या गोष्टी सविस्तर जाणून घेऊया.
उडीद शेतीशी संबंधित गोष्टी
–उडीद लागवडीसाठी शास्त्रज्ञांनी महत्त्वाच्या गोष्टी सांगताना शेतकऱ्यांना सांगितले आहे की, शेतकरी बांधवाने काही गोष्टी लक्षात ठेवल्या तर उडीद पिकातून चांगले उत्पन्न मिळते.
–उन्हाळी हंगाम उडीद लागवडीसाठी योग्य आहे. एप्रिलचा पहिला आठवडा लागवडीसाठी योग्य काळ मानला जातो.
–त्याचबरोबर 30 ते 40 डिग्री दरम्यानचे तापमान उडीद लागवडीसाठी योग्य मानले जात असल्याचे शास्त्रज्ञांनी सांगितले आहे.
–मातीबद्दल बोलायचे झाले तर उडीद पिकाच्या लागवडीसाठी माध्यम ते भारी जमीन योग्य मानली जाते, तसेच या जमिनीत पाण्याचा निचराही चांगला असावा. पाणी साचून राहणारी जमीन याला चालत नाही.
–त्याचबरोबर जमिनीतील आर्द्रतेनुसार पाणी द्यावे. जर माती खूप कोरडी असेल तर आठवड्यातून दोनदा पाणी द्यावे. अन्यथा 15 दिवसांच्या अंतराने करा.
— उडीद पिकासाठी दोन रोपांतील अंतर 10 सेमी ठेवावे. त्याच वेळी, 4 ते 6 सेंटीमीटर खोलीवर बियाणे पेरणे. प्रेणीपूर्वी बीजप्रक्रिया करणे महत्वाचे आहे.
