तुरीच्या दरात धीम्या गतीने वाढ, अमरावतीत मिळाला 6800 चा कमाल भाव ; पहा आजचे तूर बाजारभाव

हॅलो कृषी ऑनलाईन : शेतकरी मित्रांनो सध्या तुरीला हमीभाव केंद्रापेक्षा जास्त भाव मिळत असला तरी मात्र सध्या म्हणावे तसे दर तुरीला मिळत नाहीयेत राज्यातील कारंजा ,यवतमाळ ,लातूर, हिंगोली , जालना अशा काही बाजारपेठेत तुरीला कमाल भाव हमीभाव केंद्रांपेक्षा जास्त मिळत आहे. मात्र सर्वसाधारण दर हे 5900 ते सहा हजार तीनशे रुपयांच्या दरम्यानच आहेत. त्यामुळे शेतकऱ्यांना दरवाढीची अपेक्षा असल्याने अद्यापही शेतकरी तूर साठवणुकीला पसंती देत आहेत.

एक ते दीड महिन्यानंतर तुरीच्या दरात वाढीची शक्यता

देशात यंदा लहरी हवामानामुळे तुरीच्या उत्पादनात घट झाली आहे तर दुसरीकडे मात्र विक्रमी आयात झाल्याने सध्या म्हणावे तसे दर तुरीला मिळत नाहीयेत. मात्र जसजसे उत्पादन घटीचे चित्र स्पष्ट होईल तसे तुरीच्या दरात देखील सुधारणा होईल असा जाणकारांचा अंदाज आहे. देशात यंदा तूर उत्पादन कमी होऊन 30 ते 33 लाख टनांच्या दरम्यान राहील असा अंदाज जाणकारांनी व्यक्त केला आहे. मात्र उत्पादन घटूनही आयातीमुळे दर दबावात आहेत. परंतु देशात उत्पादन घटल्याने आयात दारही कमी दरात तुर विक्री करण्याची शक्यता कमीच आहे. त्यामुळे एक ते दीड महिन्यानंतर तुरीच्या दरात वाढ होण्याची शक्यता आहे असं जाणकारांचं मत आहे.

आज दिनांक 15 फेब्रुवारी रोजी सायंकाळी सहा वाजेपर्यंत प्राप्त झालेल्या बाजारभावानुसार आज सर्वाधिक अमरावती कृषी उत्पन्न बाजार समिती तुरीला कमाल 6800 रुपयांचा भाव मिळाला आहे आज अमरावती कृषी उत्पन्न बाजार समितीमध्ये लाल तुरीची 1362 क्विंटल इतकी मोठी आवक झाली. याकरिता किमान दर सहा हजार चारशे रुपये कमाल दर सहा हजार आठशे रुपये आणि सर्वसाधारण दर सहा हजार सहाशे रुपये प्रति क्विंटल साठी मिळालेला आहे तर सर्वाधिक आवक ही अमरावती कृषी उत्पन्न बाजार समिती इथंच झाली आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एखादा खात्री करून मगच बाजरात विक्रीसाठी माल न्यावा. )

आजचे 15-2-22 तूर बाजारभाव