हॅलो कृषी ऑनलाईन : पिकांमधील अन्नद्रव्याच्या कमतरतेमुळे कोणते बदल होतात त्याची लक्षणे काय आहेत ? त्यावरील उपाय काय आहेत याची माहिती आपण आजच्या लेखात घेणार आहोत.
१)नत्र: झाडाची खालची पाने पिवळी होतात मुळाची व झाडांची वाढ थांबते, फूट व फळे कमी येतात.
उपाय: १% युरियाची फवारणी करावी. (१०० ग्रॅम + १० लिटर पाणी)
२)स्फुरद: पाने हिरवट लाबट होऊन वाढ खुंटते, पानाचीं मागील बाजू जांभळट होते.
उपाय: १-२% (१०० ते २०० ग्रॅम प्रति १०लिटर पाण्यातून) डायअमोनियम फॉस्फेट फवारणी करावी.
३)पालाश: पानांच्या कडा ताबटसर होऊन पानांवर तांबडे व पिवळे ठिपके पडतात. खोड आखुड होवून शेंडे गळून पडतात.
उपाय: १% सल्फेट ऑफ पोटॅशची फवारणी करावी.(१०० ग्रॅम + १० लिटर पाणी)
४) लोह: शेड्याकडील पानाच्या शिरामधील भाग पिवळा होतो. झाडांची वाढ खुंटते.
उपाय: २५ किलो फेरस सल्फेट जमिनीतून शेणखतासोबत देणे किंवा ०.२% चिलेटेड लोहाची फवारणी करणे.
५)बोरॉन: झाडाचा शेंडा व कोवळी पाने पांढरट होऊन मरतात.सुरकुत्या पडून पिवळे चट्टे पडतात.फळांवर तांबडे ठिपके पडून भेगा पडतात.
उपाय:५० ग्रॅम बोरीक असिड पावडर १० लिटर पाण्यातून पानांवर फवारणी करावी.
६) जस्त: पाने लहान होऊन शिरांमधील भाग पिवळा होतो व पाने ठिकाणी वाळलेले दिसतात.
उपाय: हेक्टरी १० ते २० किलो झिंक सल्फेट जमिनीतून शेणखतासोबत द्यावे किंवा ०.२% चिलेटेड झिंक पिकांवर फवारावे.
७) मॅंगेनीज:पानांच्या शिरा हिरव्या व शिरांमधील भाग क्रमाक्रमाने पिवळा होतो व नंतर पांढरट व करडा होतो, संपूर्ण पान फिक्कट होऊन नंतर पान गळते.
उपाय: हेक्टरी १० ते २५ किलो मॅंगेनीज सल्फेट जमिनीतून खतासोबत द्यावे किंवा ०.२% चिलेटेड मंगल ची फवारणी करावी.(२० ग्रॅम +१० लिटर पाणी).
८)मॉलिब्डेनम: पाने पिवळी होऊन त्यावर तपकिरी ठिपके पडतात. पानाच्या मागच्या बाजूने तपकिरी डिंकासारखा द्रव स्त्रवतो.
उपाय: हेक्टरी पाव ते अर्धा किलो सोडियम मॉलिबडेट जमिनीतून द्यावे.
संदर्भ – दैनिक जागरण
