आज ‘या’ बाजारसमितीत हरभऱ्याला मिळाला कमाल 7300 रुपयांचा भाव ; पहा आजचे बाजारभाव

हॅलो कृषी ऑनलाईन :शेतकऱ्यांनो रब्बीतील हरभरा आता काढणीच्या अवस्थेत आला असून काही ठिकाणी काढणी अद्याप बाकी आहे. तर काही ठिकाणी पहिला पेरा झालेला हरभऱ्याची काढणी पूर्ण झाली असून हरभरा आता हळूहळू बाजारामध्ये दाखल होऊ लागला आहे. यंदाच्या वर्षी हरभऱ्याचा मोठा पेरा झाला आहे. हरभऱ्याला चांगला दर मिळावा अशी अपेक्षा शेतकऱ्यांची आहे.

आज सायंकाळी 6:28 वाजेपर्यन्त प्राप्त झालेल्या बाजारभावानुसार हरभऱ्याला कमाल 7300 रुपयांचं भाव मिळाला आहे. हा भाव जळगाव कृषी उत्पन्न बाजार समिती येथे मिळाला असून आज जळगाव कृषी उत्पन्न बाजार समितीत 93 किंटल हरभऱ्याची आवक झाली. याकरिता किमान भाव 7100 कमाल भाव 7300 तर सर्वसाधारण भाव 7201 इतका मिळाला आहे. हरभऱ्याच्या दरामध्ये होणारी वाढ ही शेतकऱ्यांसाठी दिलासादायक आहे. दरम्यान हरभराचे सर्वसाधारण भाव हे चार हजार ते 5800 रुपयांपर्यंत आहेत.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 22-2-22 हरभरा बाजारभाव