आज काबुली चण्याला मिळाला कमाल 9700 रुपयांचा भाव ; इतर हरभऱ्यासाठी मात्र अद्याप ‘वेट अँड वॉच’ ची स्थिती

हॅलो कृषी ऑनलाईन : शेतकरी मित्रानो , यंदाच्या रब्बी हंगामात हरभऱ्याचा मोठा पेरा झाला आहे. सुदैवाने उत्पादनही चांगले आहे. मात्र हवा तसा दर अद्यापही हरभऱ्याला मिळत नाहीये. त्यामुळे शेतकऱ्यांच्यामध्ये हरभरा उत्पादक शेतकऱ्यांमध्ये चिंता आहे. मात्र काबुली चण्याला चांगला दर मिळतो आहे. काबुली चण्याचा दर मागील आठवड्यात कमाल ८ हजार रुपये होता मात्र आज काबुली चण्याला 9700 रुपयांचा भाव प्रति क्विंटल साठी मिळाला आहे.

आज नव्या आठवड्याच्या पहिल्याच दिवशी अकोला कृषी उत्पन्न बाजार समितीमध्ये काबुली चण्याला कमाल 9700 रुपयांचा दर मिळाला आहे. अकोला कृषी उत्पन्न बाजार समितीमध्ये आज काबुली चण्याची 148 क्विंटल इतकी आवक झाली. याकरिता किमान भाव 6300 कमाल भाव 9740 सर्वसाधारण भाव सात हजार 100 रुपये दर मिळाला. तर लोकल हरभऱ्याचा दर कमाल पाच हजार 700 रुपयांपर्यंत मिळाला आहे. हा दर आज मुंबई कृषी उत्पन्न बाजार समितीमध्ये लोकल हरभरा ला मिळाला आहे. राज्यातील इतर बाजार समित्यांमधील हरभऱ्याचे सर्वसाधारण दर हे 4500 रुपयांपर्यंत आहेत. त्यामुळे काबुली चनाला जरी चांगला दर मिळत असला तरी इतर लोकल आणि लाल हरभऱ्याचा दर कधी वाढणार याच्या प्रतीक्षेत शेतकरी आहेत.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 11-4-22 हरभरा बाजारभाव