क्या बात …! आज तब्बल 19 बाजारसमित्यांमध्ये सोयाबीनला मिळाला कमाल 7000 भाव ; पहा आजचे बाजारभाव

हॅलो कृषी ऑनलाईन : शेतकरी मित्रांनो मागील आठवड्यापासून सोयाबीनच्या दरात वाढ झाल्यामुळे सोयाबीन बाजारात आशादायी चित्र दिसत आहे. सध्या सोयाबीनचे कमाल बाजारभाव सात हजारांच्या वर गेले आहेत. त्यामुळे शेतकऱ्यांमध्ये समाधान व्यक्त केले जात आहे. मागील चार महिन्यानंतर हांगामाच्या शेवटच्या टप्प्यात सोयाबीनचे दर वाढणे हे शेतकऱ्यांसाठी सुखद धक्क्यासारखे आहे.

आज सायंकाळी साडेसहा वाजेपर्यंत प्राप्त झालेल्या बाजारभावानुसार आज तब्बल 19 बाजारसमित्यांमध्ये सोयाबीनला कमाल 7000 आणि त्याहून अधिक भाव मिळाला आहे. आज संध्याकाळी साडेसहा वाजेपर्यंत प्राप्त झालेल्या बाजारभावानुसार सर्वाधिक भाव हा लासलगाव कृषी उत्पन्न बाजार समिती येथे मिळाला असून हा भाव 7300 रुपये प्रति क्विंटल साठी मिळाला आहे. आज लासलगाव कृषी उत्पन्न बाजार समितीत 556 क्विंटल सोयाबीनचे आवक झाली, याकरिता किमान दर3000,कमाल दर 7300 , सर्वसाधारण दर 7161 रुपये मिळाला आहे.

शिवाय लासलगाव विंचूर येथे 7151, उदगीर येथे 7100, लोहा इथं 7100, हिंगोली 7041, कोपरगाव कृषी उत्पन्न बाजार समिती 7171, लातूर कृषी उत्पन्न बाजार समिती 7156, जालना कृषी उत्पन्न बाजार समिती 7200, चिखली कृषी उत्पन्न बाजार समिती 7160, हिंगणघाट कृषी उत्पन्न बाजार समिती 7110, बीड कृषी उत्पन्न बाजार समिती 7110, जिंतूर कृषी उत्पन्न बाजार समिती 7025, आंबेजोगाई कृषी उत्पन्न बाजार समिती 7139, मुरूम आणि नांदगाव खंडेश्वर कृषी उत्पन्न बाजार समिती 7000, सिंधी सेलू कृषी उत्पन्न बाजार समिती 7200, सोनपेठ कृषी उत्पन्न बाजार समिती 7051 आणि देवणी कृषी उत्पन्न बाजार समिती 7150 रुपये कमाल भाव प्रति क्विंटल साठी मिळाला आहे. सर्वाधिक आवक ही लातूर कृषी उत्पन्न बाजार समिती इथं नऊ हजार 659 क्विंटल झाली आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 23-2-22 सोयाबीन बाजारभाव