कांद्याने शेतकऱ्यांच्या डोळ्यात पाणी ; दरात कमालीची घसरण ; पहा बाजारभाव

हॅलो कृषी ऑनलाईन :आज कांद्याला सर्वाधिक भाव सोलापूर कृषी उत्पन्न बाजार समिती इथे मिळाला आहे. आज सोलापूर कृषी उत्पन्न बाजार समितीत 69 हजार 682 क्विंटल इतकी मोठ्या प्रमाणात लाल कांद्याची आवक झाली. याकरिता किमान भाव हा शंभर रुपये, कमाल भाव तीन हजार रुपये तर सर्वसाधारण भाव पंधराशे रुपये प्रतिक्विंटल साठी मिळाला आहे. एकूणच राज्यातील बाजार समित्यांमधील कांद्याचे बाजार भाव बघता कांद्याच्या बाजार भावांमध्ये घसरण झाल्याचे दिसून येत आहे. तर कांद्याचे सर्वसाधारण भाव हे एक हजार ते दोन हजार रुपयांपर्यंत खाली आहेत.

दरम्यान मागच्या आठवड्यात कांद्याला चांगले दर होते. शिवाय आवक चांगली असूनही दर स्थिरावलेले होते.मात्र आता दरात मोठी घसरण दिसून येते आहे. दरम्यान देशांतर्गत कांद्यामध्ये लाल कांद्याची आवक वाढली आहे. राज्यातील पुणे ,नाशिक अहमदनगर सोलापूर या भागातुन उन्हाळी कांद्याची आवक होत असल्यामुळे त्याचाच थेट परिणाम कांद्याच्या दरावर झाला आहे. राज्यातील कांद्याचे सर्वसाधारण दर सध्या २००० रुपयांवर घसरले आहेत.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 28-2-22 कांदा बाजारभाव