कांद्याच्या लहरी दरामुळे शेतकऱ्यांच्या डोळ्यात पाणी ; पहा आज किती मिळाला कांद्याला भाव

हॅलो कृषी ऑनलाईन : मागील आठ दिवसांमधील कांद्याच्या दरात कमालीची घसरण झाली आहे. मागील आठवड्यात कांद्याचे दर स्थिरावलेले होते. मात्र सध्याचे कांद्याचे दर पाहता शेतकऱ्यांच्या डोळ्यात पाणी येणे बाकी आहे. तर व्यापाऱ्यांचे अंदाजही चुकत आहेत. लासलगावात आठ दिवसांमध्ये लाल कांद्याच्या दरात तब्बल 764 रुपायांची घसरण झाली आहे तर उन्हाळ कांद्याच्या दरात 630 रुपयांची घसरण झाली आहे. मागणीपेक्षा अधिक झालेली आवक आणि रशिया आणि युक्रेन यांच्यातील युद्धामुळे निर्यातीत होणाऱ्या अडचणी यामुळे कांद्याच्या दरावर परिणाम झाला आहे.

आज सायंकाळी सहा वाजेपर्यंत प्राप्त झालेल्या कृषी उत्पन्न बाजार समितीमधील बाजार भावानुसार पेन कृषी उत्पन्न बाजार समिती इथं कांद्याला सर्वाधिक 3 हजार 400 रुपये दर मिळाला आहे. आज पेन कृषी उत्पन्न बाजार समितीमध्ये लाल कांद्याची 198 क्विंटल इतकी आवक झाली. याकरिता किमान भाव 3200 कमाल भाव 3400 आणि सर्वसाधारण भाव तीन हजार दोनशे रुपये मिळाला आहे. या खालोखाल सोलापूर कृषी उत्पन्न बाजार समितीमध्ये सर्वाधिक आवक झाली आहे ही आवक 50 हजार 496 क्विंटल इतकी आहे. तर सोलापूर कृषी उत्पन्न बाजार समितीमध्ये कमाल भाव हा 2400 रुपये मिळाला आहे. त्याखालोखाल मुंबई कांदा बटाटा मार्केट मध्ये कमाल भाव 2200, याबरोबरच यावर कृषी उत्पन्न बाजार समितीमध्ये 2290 रुपये इतका कमाल भाव मिळाला आहे. मात्र कांद्याचे सर्वसाधारण भाव हे 900 ते 1875 रुपयांपर्यंत आहेत.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 5-3-22 कांदा बाजारभाव