हंगामाच्या शेवटी सोयाबीनचे भाव स्थिर , पहा आज किती मिळाला भाव ?

हॅलो कृषी ऑनलाईन :शेतकरी मित्रांनो सोयाबीनचा हंगाम आता अंतिम टप्प्यामध्ये आला आहे. अशावेळी सोयाबीनच्या आवकेमध्ये वाढ होताना दिसत आहे. तर सोयाबीनचे भाव देखील स्थिर आहेत. सोयाबीनला कमाल सात हजार चारशे रुपयांपर्यंत भाव मिळतो आहे.

आज सायंकाळी सहा वाजेपर्यंत प्राप्त झालेल्या राज्यातील विविध बाजार समित्यांमधील बाजार भावानुसार आज सोयाबीनला सर्वाधिक सात हजार 461 रुपयांचा भाव नागपूर कृषी उत्पन्न बाजार समिती येथे मिळाला आहे. आज नागपूर कृषी उत्पन्न बाजार समितीमध्ये लोकल सोयाबीनची 303 क्विंटल आवक झाली. याकरिता किमान भाव 5200, कमाल भाव सात हजार 461 आणि सर्वसाधारण भाव सहा हजार 896 इतका मिळाला आहे. तर लातूर कृषी उत्पन्न बाजार समिती मध्ये सर्वाधिक आवक झाल्याचे दिसून येत आहे. ही 11आवक हजार 146 क्विंटल इतकी झाली आहे. याकरिता किमान भाव सहा हजार 799, कमाल भाव 7440 आणि सर्वसाधारण भाव सात हजार तीनशे दहा रुपये इतका मिळाला आहे. तर सोयाबीनला सर्वसाधारण दर हा जास्तीत जास्त सात हजार 200 रुपयांपर्यंत मिळतो आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 28-3-22 सोयाबीन बाजारभाव